27 ოქტომბერს კარფურის Facebook გვერდმა მის 11,000-ზე მეტ მომხმმარებელს განცხადებით მიმართა, სადაც გვამცნობდნენ, რომ “ავარიის” გამო შეუწყდათ ელექტოენერგია და მუშაობა შეფერხდა, ისინი ბოდიშს უხდიდნენ მომხმარებლებს. გთავაზობთ გამოქვეყნებული განცხადების ფოტოს.
ერთის მხრივ ყველაფერი კარგადაა გაკეთებული, შეიქმნა პრობლემა და პიარმაც მოახდინა რეაგირება, თუმცა პროფესიულად თუ შევაფასებთ განცხადება არასწორ ადგილასაა გამოქვეყნებული.
შეცდომები, რომლებზეც უნდა ვისწავლოთ
1) როგორც კომენტარებიდან ირკვევა განცხადების გამოქვეყნების დროს უკვე ყველაფერი მოგვარებული იყო, შესაბამისად მსგავსი განცხადების გავრცელება Facebook-ზე აზრს მოკლებულია. ამ საქციელით დამატებითმა 11,000-ზე მეტმა ადამიანმა გაიგო, რომ კარფური “რაღაც” ავარიამ შეაფრხა, რაც კომპანიის “სტაბილურობის” იმიჯზე ცუდად მეტყველებს.
2) მეოთხე კომენტარში კარფურის წარმომადგენელი გვპასუხობს, რომ ყველაფერი კარგადაა და კარფურს მუშაობა კი არ შეუწყვეტავს არამედ იქ მუშაობა “შეფერხდა”. – ასევე გაუგებარია, რატომ უნდა იცოდეს სრულიად საქართველომ თუ მაგალითად მაღაზიის რომელიმე დეპარტამენტი “შეფერხდა” იგივე ლოგიკით შეიძლება მომავალში დაიწეროს, რომ ერთ-ერთი კონსულტანტი ო.შ.მ (ოჯახის შექმნის მიზნით) ეძებს ახალგაზრდა პატიოსან მამაკაცს ( 
)
3) ბოლო კომენტარი და ლათინური დამწერლობა, რაც მარკეტერის შეფასებით საზოგადოებასთან ურთიერთობის “ზარმაცი” ფორმაა. არანაირი ახსნა 21-ე საუკუნეში ქართულის ლათინურად “მეტყველებას”, მითუმეტეს კომპანიის მხრიდან არ აქვს.
4) “უსაფუძვლო თვითკმაყოფილება” – ეს არის პიარ მენეჯერების და მენეჯმენტის “ვირუსი”, რომელიც მთელს მსოფლიოშია გავრცელებული, კარფურის ამ ქმედებაში შეიმჩნევა ამ ვირუსის ნიშნები. ვირუსის დროს მენეჯმენტი და პიარ სამსახური კონკრეტულ მოვლენაზე აკეთებს “არასწორ/მცდარ” რეაქციას, პარალელურად კი კმაყოფილები არიან. იგივე ხდება ამ შემთხვევაშიც, წარმოიდგინეთ თქვენ ხართ კარფურში, ვაჭრობთ და გარკვეული “ავარიის” გამო “შეფერხდით”, კომპანიის პიარ სამსახური კი იმის მაგივრად პირადად თქვენთან მოვიდეს და მოგიხადოთ ბოდიში, მიდის და სადღაც Facebook-ზე წერს, რომ სწუხს.
შევაჯამოთ: ცუდია რომ კარფურში შეიქმნა “შეფერხება”, კარგია, რომ ამაზე მენეჯმენტი სწუხს, არასწორია, როდესაც ბოდიშის მოხდის ადრესატი სრულიად სხვა საზოგადოებაა, რომელთა 80 ან უფრო დიდი % შესაძლოა საერთოდ არ ყოფილიყო ამ დროს მაღაზიაში შედეგად კი არამიზნობრივი აუდიტორია იღებს იმ ინფორმაციას, რომელიც არ აინტერესებს .
ძვირფასო მკითხველო კომენტარებში გაგვიზიარეთ თქვენი აზრი
