8
Aug
2019

#მადლობასაქართველოსთვის – კომპანია „აიგრუპის“ გზავნილი 2008 წლის აგვისტოს ომში დაღუპული გმირების ოჯახებს

8 Aug 2019

ქართული ინდუსტრიული კომპანია „აიგრუპი“ 2008 წლის აგვისტოს ომის 11 წლისთავს ეხმიანება და დაღუპული ჯარისკაცების ოჯახებს სამძიმარს უცხადებს.   „აიგრუპის“  ინიციატივით, აგვისტოს ომში და ასევე, სამშვიდობო მისიებში  დაღუპული სამხედრო მოსამსახურეებისა და სხვა ძალოვანი უწყებების წარმომადგენლების მეუღლეებსა და მათ არასრულწლოვან შვილებს საჩუქრად  საქართველოს მთის კურორტის, კერძოდ კი, ბაკურიანის   ერთკვირიანი  საგზური გადაეცემათ.

„უკვე 11 წელი გავიდა 2008 წლის აგვისტოს ომის შემდეგ.  ჩვენ გვინდა, გამოვხატოთ დაღუპული გმირების მიმართ პატივისცემა და გვერდში დავუდგეთ მათ ოჯახებსა და  შვილებს. ადამიანებს, რომლებსაც ისინი ყველაზე მეტად უფრთხილდებოდნენ და იცავდნენ. ქართველი ჯარისკაცების გმირობა თითოეული ჩვენგანისთვის ისეთივე ძვირფასი და საამაყოა, როგორც მათი ოჯახებისთვის. 2008 წლის აგვისტოს ომში და ასევე, სამხედრო მისიებში დაღუპული გმირების ოჯახებს, რომელთაც ამ დროისთვის ჰყავთ არასრულწლოვანი შვილები, ბაკურიანის ერთ კვირიან საგზურებს გადავცემთ საჩუქრად. ამ პროექტის განხორციელებით, გვსურს, მადლობა გადავუხადოთ თავდადებისთვის ჩვენს გმირებს და მათ ოჯახებს,“- აცხადებს კომპანია „აიგრუპის“ დირექტორთა საბჭოს თავმჯდომარე, კახა გულედანი.

#მადლობასაქართველოსთვის

🇬🇪 მადლობა თავისუფლებისთვის, იმედისთვის, თავდადებისთვის…🇬🇪 #მადლობა #საქართველოსთვის!✅ კომპანია „აიგრუპის“ ინიციატივით, აგვისტოს ომში და სამშვიდობო მისიებში დაღუპული სამხედრო მოსამსახურეებისა და სხვა ძალოვანი უწყებების მეუღლეებს, მათ არასრულწლოვან შვილებს ✅ საჩუქრად გადაეცემათ საქართველოს მთის კურორტის, კერძოდ კი, ბაკურიანის ერთკვირიანი საგზური#მადლობასაქართველოსთვის #8აგვისტო #აიგრუპი #აიქარი #aicar #aigroup

Gepostet von AiCar • აიქარი am Donnerstag, 8. August 2019

პროექტი აგვისტოს ომსა და სამშვიდობო მისიებში სამხედრო და ძალოვანი უწყებების  დაღუპული თანამშრომლების   85 ოჯახს მოიცავს.  პროგრამის განხორციელების პერიოდი აგვისტოს მეორე ნახევარი  და სექტემბერია.  კომპანია „აიგრუპი“ უზურნველყოფს, როგორც სასტუმროს, ასევე სამჯერადი კვებისა და ტრანსპორტირების ხარჯს.

„აიგრუპი“ აღნიშნული აქციით ასევე ეხმიანება პროგრამას „დაისვენე საქართველოში“, რომელიც თავის მხრივ, იმ კურორტების თანადგომას გულისხმობს, სადაც წელს ყველაზე მეტად იგრძნეს ტურისტების ნაკლებობა. ბაკურიანი საქართველოს ერთ – ერთი ყველაზე ცნობილი ზაფხულის და ზამთრის კურორტია, სადაც ადგილობრივი და უცხოელი ტურისტები ძირითადად, ბავშვებთან ერთად ისვენებენ.

[პარტნიორის კონტენტი]

 

განხილვა