ბრიტანეთის ავიახაზების დირექტორი დონალდ პორტერი ამბობს:
“მომხმარებელი არ მეოლის თქვენგან იყოთ იდეალური,სრულყოფილი, მაგრამ ის მოელის თქვენს რეაქციას თუ ურთიერთობისას რაიმე პრობლემა წარმოიშვა”
LIG studio-ზე სტატიის მზადების პროცესში, სრულიად შემთხვევით Go!Electronics-ის გვერდზე ჩვენი რესპოდენტის კომენტარს წავაწყდით.
„არ ჩანს თქვენი ზარი ჩემს ტელეფონზე? ტელეფონებიც ბრაკია?“ როგორც გაირკვა ფოტოგრაფის მიერ Go! Electronics-ში ნაყიდი, საკმაოდ ძვირადღირებული-4500ლარიანი ფოტოაპარატი „ბრაკი“ აღმოჩნდა, კომპანია კი სათანადოდ ვერ რეაგირებს. დეტალების დასაზუსტებლად ჩვენ ლაშა ღუღუნიშვილს დავუკავშირდით.
როდის შეიძინეთ აპარატი?
2012წლის სექტემბერში, canon 5 D mark II, რომელიც 4500ლარი დამიჯდა.
როდის აღმოაჩნდა მას წუნი და რა სახის დეფექტზეა საუბარი?
დეფექტი ყიდვიდან მესამე დღესვე აღმოაჩნდა, გადაღების დროს ფოტოებს ზოლებს უტოვებდა, იძლეოდა დეფექტურ გამოსახულებას-შუმის წერტილებს. ასევე იმახსოვრებდა ერთ კადრს და ყველა ახალ გადაღებულ კადრზე იგივეს აჩვენებდა. ასევე არ იღებდა ვიდეოს.
ქონდა თუ არა პროდუქტს გარანტია?
კი რათქმაუნდა, საერთაშორისოც და ადგილობრივიც.
რა რეაქცია ქონდათ, როდესაც აპარატი მაღაზიაში მიიტანე? რა გიპასუხეს?
საოცარი რეაქცია ქონდათ, მენეჯერმა მითხრა მაღაზიიდან გაიტანეთ თუ არა აპარატი შეცვლას აღარ ექვემდებარება, მხოლოდ შეკეთება შეგვიძლიაო. მაშინ დაიტოვეს, მაგრამ მიზეზი ვერ დაადგინეს და უკან გამომატანეს. შემდეგ ორჯერ განმეორდა იგივე, როცა ისევ გამოჩნდებოდა დეფექტი მიმქონდა, იტოვებდნენ და ცოტა ხანში ისევ უკან მატანდნენ. ბოლოს სამი კვირის წინ დავუტოვე და ახლაც იქ აქვთ, მითრხეს, რომ ტესტავენ. მიზეზად ჩიპის პრობლემა დაუდგინეს, რაც არანაირ ლოგიკაში არ ჯდება. გამოცდილი ფოტოგრაფები და ფოტოხელოვანებიც ამბობენ, რომ მსგავსი დეფექტი არ შეიძლება ჩიპის ბრალი იყოს.
ამ ეტაპზე იქნებ დაგვიკონკრეტო რას მოითხოვთ?
მე მოვითხოვ აპარატის შეცვლას და სათანადო ყურადღებას, აქვე დავამატებ, რომ ამ მაღაზიაში უამრავი ტექნიკა მაქვს შეძენილი და სხვა აპარატებზეც იყო პრობლემა.
Facebook გვერდიდან სადაც კომპანიის ოფიცილური კომენტარები საჯაროა და ლაშას ინტერვიუდან იკვეთება რამოდენიმე პრობლემა, რაც ვთვლით, რომ უნდა გამოასწოროს კომპანიამ
- დაიმახსოვრეთ ორი წესი
1) მომხმარებელი ყოველთვის მართალია 2) თუ მომხმარებელი მართალი არაა, კიდევ ერთხელ წაიკითხეთ წესი #1
რჩევები:
- ნუ აიგნორებთ მომხმარებელს, ნუ “გეზარებათ” ურთიერთობა, როდესაც ადამიანის ძირითადი პროფესია ფოტოგრაფობაა მას “კომპეტენტური” პასუხი სჭირდება ნებისმიერ შეკითხვაზე, როდესაც ადამიანი თქვენი ხარვეზის გამო ვერ მუშაობს, მინიმუმ ინფორმაციას უნდა აწვდიდეთ რა მდგომარეობაა მის აპარატთან დაკავშირებით. ხარვეზის გამოსწორებამდე სხვა ფოტოაპარატით რომ ჩაგენაცვლებინათ ესეც მხოლოდ დადებითად აისახებოდა თქვენს იმიჯზე. “იგნორის “შედეგად უკვე ყველამ იცის ეს ისტორია
- განასხვავეთ თქვენი მომხმარებელი ერთმანეთისაგან, როდესაც ადამიანი თქვენგან რამოდენიმე ფოტოაპარატს და სხვა ტექნიკას ყიდულობს, ამასთანავე ამ სფეროში მოღვაწეობს და ე.წ opinion leader-იცაა (პოტენციური ფოტოაპარატების მყიდველთათვის) უნდა ეცადოთ, რომ “განსხავევებულად” და უკეთ მოემსახუროთ.
- უნდა იყოთ სოციალურები? უნდა იყოთ წარმოდგენილი სოციალურ მედიაში? – ეს შეკითხვა ბევრმა კომპანიამ უნდა დაუსვას საკუთარ თავს, მათ შორის Go electronics-მაც. თუ არ შეგიძლიათ კომპეტენტური პასუხის გაცემა არაა აუცილებელი იყოთ სოციალურ ქსელებში.
სტატია ბილ გეიტსის ცნობილი გამონათქამით გვინდა დავასრულოთ:
“თქვენი ყველაზე უკმაყოფილო მომხმარებელი არის ყველაზე კარგი წყარო შეცდომებზე სწავლისათვის”
ისწავლეთ შეცდომებზე. ლაშას კი პრობლემის დროულად მოგვარებას ვუსურვებთ.
