26
Nov
2012

როგორ დავგეგმოთ მედია კამპანია ?

26 Nov 2012

საზოგადოებასთან ურთიერთობაში მედიას მნიშვნელოვანი ადგილი უკავია.  პიარ კამპანიის დროს მომხმარებელთან კომუნიკაცია მედია არხებით ხდება, წარმატების ერთერთი მნიშვნელოვანი განმსაზღვრელი კი სწორედ მიწოდებული ინფორმაციაა.

ნებისმიერ წარმატებულ კამპანიას პირველ ეტაპზე კარგი დაგეგმვა სჭირდება.

სტრატეგიული კომუნიკაციების სააგენტოს  “პერიტუს გრუპის” ხელმძღვანელი ელდარი პირმისაშვილი თვლის, რომ  მედია კამპანიემდე  მედია გარემოსა  და ზოგადად,  მომხმარებლების ანალიზი უნდა ჩატარდეს.

[pullquote]“2 სიტყვა არის ყველაზე მნიშვნელოვანი რეგულარობა და ინტენსივობა”.[/pullquote]

“რა აინტერესებთ, რომელ მედია საშუალებიდან იღებენ ინფორმაციას ან რომელია გავლენიანი და სანდო. ეს პირველი ნაბიჯია. მეორე ნაბიჯი ინფორმაციის, კომუნიკაციის კოდირებაა , ანუ ჩვენი მესიჯით ინფრომაციის დატვირთვა და მედია არხებში გავრცელება. თუმცა, მედიის სწორად შერჩევასა და ფორმაშია მთავარი არსი. ფორმას, ვგულისხმობ, სარეკლამო და პიარ მიმართულებას, სადაც აღქმა და ღირებულება განსხვავებულია”.

კულტურის ცენტრი “მუზას” პიარ მენეჯერი ნუკა ლეჟავას აზრით, უნდა ჩამოყალიბდეს მთავარი გზავნილი მომხმარებლისთვის და ამაზე აეწყოს მთელი მედია კამპანიაც.

“აუცილებელია მედიასთან კომუნიკაციის გზები და ინფორმაციის მიწოდების ხარისხი იყოს მაღალი. დაწყებული ანონსით, პრეს-რელიზით და ასე შემდეგ. მოცვის ყველაზე ეფექტური საშუალებაა ტელევიზია! აქ ვგულისხმობ, თუნდაც პრეს-რელიზის წერას, რაც დღეს სამწუხაროდ პრობლემაა და ბევრმა არ იცის რა მთავარი მესიჯები უნდა იყოს პირველ ეტაპზე გაჟღერებული, რომ ნიუსი თუ სიუჟეტი საინტერესოდ შეფასდეს და დაინტერესება გამოიწვიოს. იგივე წინსწრები “ნიუსები” და მრავალი სხვა.”

წარმატებული მედია კამპანიისთვის საჭიროა ყოველი დეტალის ზუსტად გათვლა, შემდეგ კი ამის პრაქტიკაში განხორციელება. საკუთარი გამოცდილებით პიარ სპეციალისტები ამბებობენ, რომ არსებობს რამდენიმე წესი და თუ გვინდა დაგეგმილი კამპანია წარმატებული აღმოჩნდეს უნდა გვახსოვდეს :

 

ნუკა ლეჟავა : როდესაც პიარ კამპანია იგეგმება, აუცილებელია განვსაზღვროთ სწორი მესიჯები გამოვიყენოთ ყველა მედია საშუალება:ტელევიზია, რადიო, ჟურნალ-გაზეთები, სააგენტოები. კამპანიის დაგეგმვისას გავარკვიოთ სხვა მნიშვნელოვანი აქტივობა ხომ არ არის დაგეგმილი, რომ ინფორმაციის გადაფარვა არ მოხდეს უფრო მნიშვნელოვანი “ნიუსით”. ასევე კარგად მოვიფიქროთ საინფორმაციო საბაბი, რის გამოც ჟურნალისტი გააშუქებს დაგეგმილ ღონისძიებას. მედია კამპანიის დაგეგმვისას მუდამ მოვლენების ეპიცენტრში უნდა იყო. მედიასთან მიმართებაში ასევე მნიშვნელოვანია კონტაქტები. ალბათ ეს მედია კამპანიის შემადგენილი ნაწილია. რაც შეეხება ხანგრძლივ კამპანიას, როდესაც რამდენიმე ღონისძიებაა დაგეგმილი, უნდა ვეცადოთ მოიცავდეს მუდმივ სიახლეებს და მხოლოდ ერთი და იგივე ინფორმაცია არ ვრცელდებოდეს – გაშუქების სიხშირე იყოს ინფორმაციის გავრცელების საჭიროებასთან პირდაპირპროპორციული, ამის გათვალისწინებით არ იქნება მოსაბეზრებელი და მომხმარებელში მეტ დაინტერესებას გამოიწვებს”.

ელდარ პირმისაშვილი : მედია კამპანიის მართებულად და ეფექტურად დაგეგმვა საქმის 60 %-ია, შემდეგ მოდის განხორციელება, რომელიც მიზნისა და ტაქტიკის ერთობლიობაა და კონკრეტულ ქმედებებს მოიცავს, გასათვალისწინებელია: მედიის ადეკვატურობა, მედია გარმო და მათი ჩვენი მესიჯების მიმართ დამოკიდებულება და აღქმა. საამისოდ რამდენიმე ძირითადი კომპონენტია: პირველი კარგად უნდა გაანალიზონ რა უნდათ მედიისაგან და რამდენად ემთხვევა მათი კომპანიის იმიჯი მედია არხს ან გადაცემას. მეორე – ეფექტური სტატეტგია, რომელიც თანმიმდევრული და რეგულარული იქნება. მესამე – მკვეთრად გასაგები მესიჯი და ადეკვატური შეფუთვა ანუ რელური სიახლე და რეალური ნიუსი და ბოლო ეფექტურობის დათვლა ანუ რამ იმუშავა  რამ არა და რატომ”.

რაც შეეხება არასწორ ნაბიჯებს, ანუ იმას რა არ უნდა გაკეთდეს რომ მედია კამპანიამ იმუშაოს : ნუკა ლეჟავა თვლის, რომ დაცული უნდა იყოს ეთიკის ნორმები. ელდერ პირმისაშვილის აზრით , ხშირად მედიას აფასებენ რამდენად გაყიდის პროდუქტს, იმიჯი და რეპუტაცია კი მეორეხარისხოვენი ხდება. თვლის, რომ მედიასთან ურთიერთობა მოკლე ვადიანი არ უნდა იყოს , გრძელვადიანი დამოკიდებულება (მედია ტური, მედია შეხვედრები და ა. შ. ) წარმატების გარანტიაა. “2 სიტყვა არის ყველაზე მნიშვნელოვანი რეგულარობა და ინტენსივობა”.

მათ პრაქტიკაში ყოფილა როგორც ძალიან წარმატებული, ასევე “ქეისები”, როდესაც თვლიან, რომ კამპანიის უკეთ დაგეგმვა შეიძლებოდა. ნუკა ლეჟავა ამბობს, რომ წარუმატებელი აღმოჩნდა ღონისძიება დევნილი ბავშვებისათვის. მედიასთან ურთიერთობა სხვა კომპანიამ აიღო საკუთარ თავზე. საბოლოოდ კი აღმოჩნდა, რომ ღონისძიება არავის გაუშუქებია. “ ჩემი მთავარი შეცდომა იყო, რომ ამ შემთხვევაში შუამავალს მივანდე . ასეთ დროს ყველა მნიშვნელოვანი დეტალის შემოწმება საკუთარ თავზე უნდა აიღო.” ყველაზე წარმატებული მისთვის “მუზას” პროექტი იყო, რომელიც ორი კვირა გაგრძელდა და სხავდასხვა კულტურულ ღონისძიებას, მათ შორის კონკურსსაც მოიცავდა. მიიჩნევს, რომ ამ პროექტის კამპანია მედიასთან მიმართებაში სწორად იყო დაგეგმილი და წარმატებულიც იყო.

ელდარ პირმისაშვილისთვის წარმატებული იყო მკერდის კიბოს კამპანია. მისი აზრით, ეს მედიის თემით დაინტერესებამ, კარგად დაგეგმილმა ნაბიჯებმა და ცნობადი ადამიანების ჩართვამ გამოიწვია . “ხელისშემშლელი ხშირად არის შეთავაზების არ ან ვერ გაგება, ანუ ხშირად შეთვაზებული იდეები კი მოსწონთ მაგრამ თახების გაღება უჭირთ კომპანიებს. “

პიარ კამპანიის მნიშვნელოვანი წილი სოციალურ მედიაზე მოდის. ნუკა ლეჟავას აზრით, დღეს კომუნიკაციის ყველაზე ეფეტქური საშუალებაა, რაც საშუალებას გაძლევს, განსაზღვრო სამიზნე ჯგუფი და პირდაპირ კავშირზე გახვიდე მასთან.

ელდერ პირმისაშვილი თვლის, რომ სოციალური მედია ნაწილია თუმცა, მსოფლიო პრაქტიკისგან განსხვავებით , საქართველოში იგი უფრო მეტად გართობასთანაა დაკავშირებული და აქედან მიღებული ინფორმაცია არაფორმალური და დაუზუსტებელია.



განხილვა

Leave a Reply

Your email address will not be published.