25
აპრ
2018

რა მოხდება, თუ თქვენი ბიზნესის სასამართლოზე აღმოჩნდებით?

25 აპრ 2018

Facebook-ის შემქმნელ მარკ ზაკერბერგს ჰქონდა საკმაოდ რთული ორი დღე, როცა უწევდა კონგრესის წევრების კითხვებზე პასუხი. მან უპასუხა 600-მდე კითხვას. რა მოხდება, თუ თქვენ იქნებით თქვენი ბიზნესის მსგავს „სასამართლოზე“, სადაც დაგისვამენ კითხვებს, რომლებიც თქვენს სტრატეგიებს, მიზნებსა და გეგმებს ეხება?

statiebi-bog
statiebi-bog

თუ თქვენ გინდათ, გქონდეთ წარმატებული ბიზნესი და სტაბილურად გაზარდოთ მოგება, უნდა დაიწყოთ ქვემოთ მოცემულ კითხვებზე პასუხით:

რა ბიზნესში ხართ რეალურად? 
სარეცხმა საშუალება Tide-მ აღმოაჩინა ახალი შესაძლებლობები საკუთარი ბიზნესისთვის, როდესაც გადაწყვიტა, რომ იყო არა სარეცხი საშუალებების ბიზნესში, არამედ ტანსაცმლის მოვლის ბიზნესში. ასე რომ, ჰკითხეთ საკუთარ თავს, რომელ ბიზნესში ხართ?

ვინ არის თქვენი სამიზნე აუდიტორია და როგორ გეგმავთ მათ მისწვდეთ (ეკონომიკურად ეფექტურად)?
მიუხედავად ბიზნესის სახეობისა, თქვენ არ შეგიძლიათ, მისწვდეთ აბსოლუტურად ყველას. წარმატებული ბრენდების უმეტესობა, მათ შორის, Procter & Gamble, არის სრულიად ჩამოყალიბებული იმაზე, თუ ვის უნდა მიჰყიდოს საკუთარი პროდუქცია. გქონდეთ თქვენი სამიზნე აუდიტორიის ამსახველი მკაფიო სურათი.

ცდილობთ, მიიღოთ ახალი მომხმარებელი, თუ არჩევთ, უკვე არსებულ მომხმარებელს აყიდვინოთ მეტი? 
ეს ორი განსხვავებული მიდგომაა კომპანიის გასაზრდელად. ბევრი მარკეტინგული გეგმა, ხშირად, არაეფექტურია, რადგან ის ორივე გზას ითვალისწინებს.

რა საჭიროებას აკმაყოფილებს თქვენი ბიზნესი.. რა პრობლემას ჭრის ის უნიკალურად?
რატომ სჭირდება სამყაროს თქვენი პროდუქტი/სერვისი? რა პრობლემა (პრობლემები) აქვს თქვენს სამიზნე აუდიტორიას ისეთი, რისი გადაჭრაც თქვენ შეგიძლიათ? ასევე, მნიშვნელოვანია იმის განხილვა, თუ რა ღირებულებების გატარებაა უნიკალური. თუ თქვენი შეთავაზება არ განსხვავდება სხვებისგან და თუ თქვენი ღირებულებები არ არის ცხადი პოტენციური მყიდველისთვის, თქვენი ბიზნესი ზრდის შესაძლებლობის მიღმა დარჩება.

ვინ არის თქვენი ნამდვილი კონკურენტი?
ლიმიტირებული რესურსებისა და მრავალფეროვანი ბაზრის პირობებში, რთულია იყო კონკურენტუნარიანი, თუმცა, ეს შესაძლებელია სამიზნე აუდიტორიის სწორად შერჩევისა და კონკურენტთან პაექრობის ნაცვლად, საკუთარი მომხმარებლის შენარჩუნებაზე ზრუნვით. მნიშვნელოვანია სწორად განსაზღვროთ, ვინ გემუქრებათ მომხმარებლის გადინებით, შეაფასოთ როგორი სტრატეგია აქვთ მათ. კონკურენტებზე დაკვირვება მუდმივად საჭირო პროცესია.

რა არის ყველაზე დიდი ტრენდი თქვენს ინდუსტრიაში?
შენ უნდა ისრიალო იქ, სადაც შაიბაა – ამბობენ ჰოკეიში. ასე უნდა მოიქცეთ ბიზნესშიც, განსაზღვროთ ეპიცენტრი, რომელიც თქვენს ინდუსტრიას აქვს და იყოთ მასთან ახლოს.

რა არ შეიცვლება თქვენს ინდუსტრიაში?
კითხვა, რომელსაც ჯეფ ბეზოსი სვამდა Amazon-ის შექმნისას. შეჯერება იმაზე, თუ რა არ შეიცვლება მომავალში, გაძლევთ საშუალებას, მეტად ფოკუსირდეთ იმ ფუნდამენტურ საკითხებზე, რომლებიც მართავენ თქვენს ბიზნესს.

რას უწოდებთ წარმატებას და როგორ გაზომავდით მას?
სასიცოცხლოდ მნიშვნელოვანია, თქვენი ორგანიზაცია იგებდეს და იზიარებდეს თქვენს მისწრაფებას გამარჯვებისკენ. თუ ამას თითოეული თანამშრომელი არ გააცნობიერებს, როგორ მიაღწევთ მას?

როგორია თქვენი საფასო პოლიტიკა?
ბევრ ბიზნესს არ შეუძლია შეკრას საფასო პოლიტიკა. რა არის თქვენი საფასო წერტილი და რატომ? რომელი კონდიციების გათვალისწინებით გაზრდით ან შეამცირებთ ფასს? როდესაც თქვენი მომხმარებელი ხედავს ფასის არასტაბილურობას, ის გრძნობს თავს დაბნეულად და მეტიც, უსამართლობის მსხვერპლადაც კი.

რა არის ყველაზე მომგებიანი მხარე თქვენი ბიზნესისთვის? 
იმის ცოდნა, თუ სად და როგორ გამოიმუშავებთ თქვენი ფულის უმეტეს ნაწილს, არის ამ კითხვის პასუხის პირველი ნაწილი. ამის შემდგომი ნაბიჯი კი არის დაგეგმვა, სტრატეგია, თუ როგორ დაჭიროთ უფრო მეტი თევზი იქ, სადაც ყოველთვის ბევრ თევზს იჭერთ. შესაძლოა, დაგჭირდეთ მეტი ანკესი, ან უფრო დიდი ნავი.

რაში მდგომარეობს თქვენი ღირებულებები და მიზნები?
იყოთ მკაფიო თქვენი კომპანიის ღირებულებებში, დაგეხმარებათ, შექმნათ კორპორაციული კულტურა. თანამშრომლების დაქირავებისას და რთულ დროს, ღამის შტორმისას, ეს იქნება შუქურა, რომელიც ხმელეთისკენ გაჩვენებთ გზას.

გაქვთ, თუ არა 10 წლიანი გეგმა? 
ეს არის ის, რაც შეგიძლიათ, ისწავლოთ ფეისბუკისგან. კომპანია ხარჯავს დაგეგმვის დროის უმეტეს ნაწილს იმაზე, თუ რა მოხდება 30 წელიწადში (ჩვენს შემთხვევაში კი, ეს შეიძლება იყოს 10 წელიც), ან რა მოხდება 6 თვეში. ჩვენ ვცხოვრობთ სწრაფად განვითარებად გარემოში, თუმცა, მიუხედავად ამისა, გრძელვადიან დაგეგმვას შეუძლია მოახდინოს დიდი გავლენა მოკლევადიან აქტივობებზე.



განხილვა