ბოლო დღეების განმავლობაში მთელი მსოფლიო იმაზე საუბრობს, რომ 18 იანვარს დედამიწას 1 კილომეტრი სიგანის მქონე ასტეროიდი 76 192 კმ/სთ სიჩქარით მოუახლოვდება. მართალია, თავდაპირველმა ინფორმაციამ ერთგვარი შიში გამოიწვია, მაგრამ ასტეროიდი საფრთხეს არ წარმოადგენს — ჩვენს პლანეტასა და მას შორის მანძილი 1.93 მილიონი კილომეტრი იქნება. მართალია, ეს საკმაოდ დიდ მანძილად გვეჩვენება, თუმცა, ასტრონომიული თვალსაზრისით, დაკვირვებას საჭიროებს.
ხოლო თუ ასეთ შორ მანძილზეც გსურთ ასტეროიდის დაკვირვება, მისი გადაადგილებისთვის თვალის მიდევნება ნებისმიერ თქვენგანს შეუძლია — პლატფორმაზე Eyes On Asteroids. ვებგვერდზე ასტეროიდი 1994 PC1 სახელით, ან 7482-ით უნდა მოძებნოთ. ეს ბმული კი კონკრეტულად ამ ასტეროიდის ადგილმდებარეობასა და მახასიათებლებს გიჩვენებთ.
Near-Earth #asteroid 1994 PC1 (~1 km wide) is very well known and has been studied for decades by our #PlanetaryDefense experts. Rest assured, 1994 PC1 will safely fly past our planet 1.2 million miles away next Tues., Jan. 18.
Track it yourself here: https://t.co/JMAPWiirZh pic.twitter.com/35pgUb1anq
— NASA Asteroid Watch (@AsteroidWatch) January 12, 2022
საგულისხმოა, რომ აღნიშნული ასტეროიდი ჯერ კიდევ 1994 წელს ავსტრალიელმა ასტრონომმა, რობერტ მაკნოტმა აღმოაჩინა, საიდინგ სპრინგის ობსერვატორიიდან. გამოთვლების შედეგად კი დადგინდა, რომ ეს კოსმოსური სხეული დაახლოებით 30 წელში ერთხელ გვიახლოვდება.
