როცა შორეულ მომავალზე ვფიქრობთ, ყოველთვის რაღაც ექსტრავაგანტურს წარმოვიდგენთ. ეს ახალი ტენდენცია ნამდვილად არაა, წარსულშიც კი დღევანდელ რეალობას იმისგან განსხვავებულად წარმოიდგენდნენ, ვიდრე სინამდვილეშია. ამჟამინდელი გადმოსახედიდან კი, 1924 წლის წარმოსახვების გახსენება საინტერესოა.
საწოლი, რომელიც ბავშვს აღვიძებს
1924 წელს ლესტერ მერკურიმ წარმოადგინა სამყარო, სადაც მაღვიძარას საწოლი ჩაანაცვლებდა. მექანიზმი და დაახლოებით ასე იმუშავებდა: გასაღვიძებლად ბავშვებს საწოლიდან ამოაყირავებდა.
ცხენები გაქრებიან
სამხრეთ კალიფორნიის უნივერსიტეტის პროფესორმა ელ ფურლონგმა საშინელი პროგნოზი გააკეთა ცხენებთან დაკავშირებით. მან იწინასწარმეტყველა, რომ 2024 წლისთვის ცხენი უიშვიათესი ცხოველი იქნებოდა და მხოლოდ ზოოპარკებში ვიხილავდით.
კინო მსოფლიოს მშვიდობას მოუტანს
გრიფიტი, კინოინდუსტრიის გამოჩენილი ფიგურა, თვლიდა, რომ ფილმები იქნება მსოფლიო მშვიდობის საწინდარი და ყველა შეიარაღებული კონფლიქტის დასასრული. ეს კი ხელს შეუწყობდა გლობალურ „ადამიანთა ძმობას“.
მამაკაცებს ატროფირებული ფეხები ექნებათ
ერთ-ერთი უცნაური პროგნოზის მიხედვით, კაცები იმდენად დამოკიდებული გახდებოდნენ მანქანებზე, რომ ატროფირებული ფეხები ექნებოდათ.
კოსმოსი: ყოველდღიური დასვენების ადგილი
პროგნოზების თანახმად, 2024 წელს პლანეტათაშორისი მოგზაურობა ისეთივე ჩვეულებრივი იქნებოდა, როგორც ტრანსატლანტიკური მოგზაურობები. სხვა სიტყვებით, პლანეტები დასასვენებელი ადგილების როლს შეითავსებდა.
შაქარი, როგორც ახალი ბრილიანტი
ბრილიანტების ამოწურვის გამო, შაქრისგან დამზადებული სინთეზური ძვირფასი ქვები პოპულარული უნდა ყოფილიყო. წარმოიდგინეთ ნიშნობის ბეჭდების ტკბილი ალტერნატივა…
ვიდეო საოჯახო ალბომები
მოსალოდნელი იყო, რომ ტრადიციული ფოტოალბომი კინემატოგრაფიით შეიცვლებოდა, რაც ოჯახურ მოგონებებს დინამიკურ გამოცდილებად აქცევდა.
სამოცდათხუთმეტი… ახალი ოცდახუთი?
ბრიტანელმა კონსერვატორმა, პოლიტიკოსმა სერ ჰოვარდ კინგსლი ვუდმა, იწინასწარმეტყველა სიცოცხლის საშუალო ხანგრძლივობის მნიშვნელოვანი ზრდა, რომელიც 2024 წლისთვის 100 წელს მიაღწევდა. შესაბამისად, 75 წლის ასაკში ინდივიდები ჯერ კიდევ ახალგაზრდობის ხანაში იქნებოდნენ…
