კომერციული ფოტოგრაფიის მასშტაბი საკმაოდ დიდია, რაც მას მეტად საინტერესოს ხდის. სწორედ ამ ფოტოგრაფების დამსახურებაა ბევრი პროდუქტის წარმატება, ახლა კი მათ პატივსაცემად 2025 Spotlight Awards-ის კონკურსის ფარგლებში 15 საუკეთესო ფოტოგრაფი გამოავლინეს.
გრან-პრი სპორტის კატეგორიაში ფოტოგრაფმა ტოდ ენტონიმ მოიპოვა. გამარჯვება კი მას ცენტრალურ აზიაში ისტორიული სპორტის სახეობა ბუზკაშის გადაღებამ მოუტანა — ავღანელები თამაშობენ, ცხენზე ამხედრებულები ცდილობენ ერთმანეთს უთავო და უფეხო თხა წაართვან და ფინიშამდე მიიტანონ…
უნდა აღინიშნოს, რომ გამარჯვებულებს 50-ზე მეტი ინდუსტრიის ექსპერტი არჩევს. მათი ყურადღება კი, ენტონის გარდა, დელეინ მაქქუინის ფოტომაც მიიპყრო, არც მეტი, არც ნაკლები კბილის პასტით, რასაც მოჰყვება დამასო ავილას შავ-თეთრი ფოტო, რომელზეც ლისაბონის ორიენტეს სადგურია ასახული.
„როცა სურათის შეფასებას ვცდილობ, ყურადღებას ვამახვილებ არამარტო ტექნიკურ და ესთეტიკურ მხარეზე, არამედ ფოტოს უნარზე, მოგიყვეთ ამბავი, რაც მარტივი ნამდვილად არ არის, როცა მხოლოდ ერთი კადრი გაქვს. იდეასა და მის აღსრულებას შორის თანმიმდევრულობას ვაფასებ, პერსონალიზმს, რომელიც ავტორის ხედვის დანახვის შესაძლებლობას გთავაზობს“, — აცხადებს კონსუელო ბოლეა, Red Bull-ის უფროსი პროდიუსერი და ჟიურის წევრი.
ახლა კი დროა, 2025 Spotlight Awards-ის გამარჯვებულებს გაეცნოთ:
