in

3 სტრატეგიული კითხვა პროაქტიული ბრენდის შესაქმნელად

გამოსავალი რომ არგაჩერებაშია, ეს უკვე ყველამ კარგად ვიცით, ახლა კი მოდით, ეს ამბავი ბრენდის კონტექსტში გავიაზროთ და ის სამი კითხვა დავსვათ, რომლებიც 2025 წელს პროაქტიული ბრენდის შექმნაში დაგვეხმარება:

BOG
BOG

1. რომელი ვარაუდების აბსურდულობას დაამტკიცებთ?

საკმაოდ მარტივია ინდუსტრიის შესახებ არსებული ისტორიული ვარაუდების მიღება. აქ კი სწორი კითხვა შემდეგნაირად ჟღერს — როგორ გავთავისუფლდე ძველი ვარაუდებისგან? ქვემოთ რამდენიმე ვარიანტს შემოგთავაზებთ:

  • დააკვირდით, როგორ ფუნქციონირებს თქვენი ინდუსტრია სრულიად სხვა ქვეყანაში ან როგორ მუშაობს მსგავსი ინდუსტრიები. მაგალითისთვის, დიდ სამედიცინო დაწესებულებებს შეუძლია, დააკვირდეს, როგორ მუშაობს დიდი ბანკები და, პირიქით.
  • ჩამოწერეთ ეს ვარაუდები და ნახეთ, რომლის შეცვლა შეგიძლიათ.
  • წარმოიდგინეთ, რომ ახალი ხართ კონკრეტულ ინდუსტრიაში და დაიწყეთ სულ სხვა ადგილიდან. მაგალითად, ჩათვალეთ, რომ სტარტაპი ხართ და დაფიქრდით, რისი გაკეთება შეგიძლიათ.
  • თავი მომხმარებლების ადგილზე წარმოიდგინეთ და განიხილეთ ყველა განსხვავებული გზა, რომლითაც ისინი თავიანთ საქმეებს ასრულებენ.

ვარაუდები თითქოს რაღაც ყუთში გვკეტავს, საკმაოდ ძლიერიცაა უხილაობის გამო, ამიტომ სააშკარაოზე გამოტანა, მათთან ბრძოლაში დაგეხმარებათ და ახალ პერსპექტივებსაც გაჩვენებთ.

2. რა ახალ უპირატესობას შექმნით?

უნდა ითქვას, რომ ბევრი დრო დავხარჯეთ იმ უპირატესობების მაქსიმალიზაციაზე, რაც გვაქვს. ამაში არც არაფერია ცუდი, მაგრამ ეს არაერთ მნიშვნელოვან საკითხს ტოვებს მოუგვარებლად. მართლა ფიქრობთ, რომ თქვენი ინდუსტრია აქედან 20 წელში მსგავსად იფუნქციონირებს? რა ახალი შესაძლებლობები შეიძლება, გაჩნდეს, რომლებიც სათამაშო სივრცეს გარდაქმნის? და რისი გაკეთება შეგიძლიათ დღეს ამ ყველაფრისთვის საფუძვლის შესაქმნელად?

3. რას გაექცევით?

დაბოლოს, მოდით, ისიც ვაღიაროთ, რომ კომპანიებს საკმაოდ უჭირთ იმაზე უარის თქმა, რასაც დიდი ხანია აკეთებენ. არადა, პროაქტიული ბრენდების შესაქმნელად დისციპლინაა მთავარი, რათა სწორედ ის საკითხები აღმოაჩინოთ, რომლებსაც შეჩერება სჭირდება ან, სხვაგვარად რომ ვთქვათ, რომლისგანაც თქვენვე გჭირდებათ გაქცევა… რას მიაქვს ყველაზე დიდი ყურადღება ან რესურსები? კარგად დაფიქრდით, რადგან დიდ საქმეებს ვერ წამოიწყებთ, თუ სხვების კეთებას არ შეწყვეტთ.

სულ ეს იყო, უკვე იცით იმ სამი სტრატეგიული კითხვის შესახებ, რომლებიც პროაქტიული ბრენდის შენებაში დაგეხმარებათ, დანარჩენი კი თქვენზეა.

BDO Georgia-ს ბრენდისა და მარკეტინგის მიმართულებას ანანო ციცვიძე უხელმძღვანელებს

იმედი VS ოპტიმიზმი – რა განასხვავებს ამ ორ ცნებას