ასე ამბობენ, წლევანდელ კანის ფესტივალზე ახალი ეპოქის ნიშნები ყველგან შეიმჩნეოდაო… ამიტომ, ახლა 4 ახალ წესს გვაცნობენ, რომლებიც ბრენდის მშენებლობასა და ბიზნესის განვითარებაში შეგიძლიათ, დაიხმაროთ:
N1: ადამიანების ამბებიდან პროდუქტის ამბებისკენ
თუ ადრე ბრენდები აუდიტორიასთან ემოციური კავშირის დასამყარებლად საკუთარ ამბებს ჰყვებოდნენ, ათობით წლის შემდეგ, მობილური და სოციალური მედიის განვითარების პარალელურად, ბრენდის ამბები ადამიანების ამბებმა ჩაანაცვლა. ამგვარად, საკუთარ თავზე ლაპარაკის ნაცვლად, ბრენდებმა საკუთარი ძალაუფლება რეალური ადამიანების ამბების მოსაყოლად უნდა გამოიყენონ. ეს მათ დაეხმარებათ, მეტად ავთენტურები და მიზანზე ორიენტირებულნი გახდნენ.
მიუხედავად ამისა, ბრენდის სთორითელინგი ამჯერადაც იცვლება და პროდუქტის ამბებისკენ ინაცვლებს. აი, მაგალითიც:
N2: ემოციური კავშირიდან სანდო დიფერენციაციისკენ
რომელი E-commerce მომსახურებაა ისეთი, რომლის გარეშეც ვერ იცოცხლებდით? ეს კითხვა გლობალურად რომ დავსვათ, ალბათ, პასუხად ამაზონს მივიღებთ, მაგრამ რამდენად უყურებთ ამაზონს, როგორც ბრენდს? სავარაუდოდ, პასუხი უარყოფითია… ყველამ კარგად ვიცით, რომ მათ აუდიტორიასთან უდიდესი წვდომა აქვთ, რაც სულაც არ მოდის ბრენდის ან ხალხის ისტორიებთან ემოციური კავშირით, არამედ იმ საოცარი მოხერხებულობიდან, რომელსაც ამაზონი სთავაზობს მომხმარებლებს. სწორედ ამის გამო ენდობიან და ხდებიან მასზე დამოკიდებულნი.
სამომხმარებლო ბრენდებისგან განსხვავებით, რომლებიც ინფლუენსერებსა და კრეატორებს რთავენ კამპანიებში, Yeti ბრენდია, რომელმაც ჩვეულებრივი ადამიანებში ე. წ. სანდო დიფერენციაცია მოახერხა. საკმაოდ მოკრძალებულნი არიან, მაგრამ მათი ცოდნა კონკრეტული ინტერესის შესახებ, იქნება ეს თევზაობა თუ სხვა რამ, უდავოდ სანდოა. ისინი სწრაფი ზრდისკენაც არ ისწრაფვიან, ბოლო 7 წელში შემოსავლები 500 მილიონიდან 1.5 მილიონ დოლარამდე გაზარდეს…
ამბობენ, რომ ემოციური კავშირი ბრენდის მშენებლობისთვის ოქროს ბილეთს წარმოადგენს. თუმცა ისიც მართალია, რომ ემოცია დიდ როლს თამაშობს სთორითელინგში, მაგრამ ბრენდები და ბიზნესები სანდო დიფერენციაციისკენ უნდა ისწრაფვოდეს, რათა პროდუქტები სხვებისგან გამოირჩეოდეს და არამარტო, იპყრობდეს, არამედ ინარჩუნებდეს მომხმარებლებს.
N3: ბრენდის ეკოსისტემიდან ბრენდის სამყაროსკენ
Loewe-ს თანამშრომლობა იაპონელ არტისტებთან Studio Ghibli-ის ჰაიაო მიაძაკისა და კერამიკულ სტუდია Suna Fujita-სთან აჩვენებს, როგორ შეუძლია ბრენდს საკუთარი თავის გაძლიერება თანამშრომლობითა და ახალ სამყაროებში შესვლით.
ამგვარად, ახალ ეპოქაში სულაც არ არის საჭირო ყველაფრის მხოლოდ ჩვენი რესურსებით კეთება, მოძებნეთ სამყარო, რომელშიც თქვენს ბრენდს შეუძლია, შეაბიჯოს და განვითარდეს.
N4: მასშტაბირებადი მოდელიდან განმეორებად სისტემამდე
ბაზარი იმდენად დანაწევრებული გახდა, რომ არ არსებობს ერთი მოდელი, რომელიც ყველაზე იმუშავებს. ამავდროულად, შეუძლებელია ყველგან ერთდროულად ყოფნა… მარკეტინგულ სამყაროში კი, დროზე, რესურსებსა და სამუშაო კაპიტალზე საუბრობენ, ხოლო ჩვენ სწორი არჩევანი უნდა გავაკეთოთ. თუ გვინდა, რომ ყოველ დღე ვჩანდეთ, თანაც ბევრ ბრენდს სჭირდება დღეს ამის კეთება, ლინკდინი უფრო კარგი ადგილი უნდა იყოს, ვიდრე TikTok.
შესაძლოა, მასშტაბირებადი მოდელის მნიშვნელობის შეფასებაც გადაჭარბებული იყოს, როცა ყოველდღიურ ცხოვრებაში მცირე დოზებით აუდიტორიასთან დაკავშირების ღირებულება ნაკლებად დაფასებულია. აი, ამ უკანასკნელს კი, სხვა სიტყვებით, განმეორებად სისტემას უწოდებენ. ეს მსგავსია იმისა, თუ როგორ ვვითარდებით და გარდავქმნით ჩვენს თავს ადამიანები რაღაც ჩვევების ჩამოყალიბებით.
განმეორებითი სისტემის შექმნა დღეიდან შეგიძლიათ დაიწყოთ და გრძელვადიან პერსპექტივაშიც შეინარჩუნოთ. თუმცა სანამ საუკეთესოს იპოვით, რომელიც თქვენი ბრენდის საჭიროებებს შეესაბამება, ჯერ განსხვავებული სისტემები უნდა სცადოთ.
ამგვარად, თქვენს ბრენდსა და ორგანიზაციას პროდუქტებზე, ფუნქციებსა და ამბებზე ფოკუსირება სჭირდება. მკაფიოდ აჩვენეთ, რა განგასხვავებთ სხვებისგან და ააგეთ სისტემა, რომელიც თქვენს გუნდს ზრდისა და ბრენდის სამყაროდ ჩამოყალიბებაში დაეხმარება…
