6
Nov
2018

შენი წარუმატებლობის ერთ-ერთი მიზეზი შაქარია

6 Nov 2018

მეწარმეების ფიზიკური თუ ემოციური სტრესი, პირდაპირპროპორციულად აისახება მათ საქმიანობაზე. შესაბამისად, იმ მავნე ჩვევებზე, რომლებიც ხელს უწყობენ სტრესის გაზრდას, მუშაობაა საჭირო:

pasha-statiebi
pasha-statiebi

ენერგეტიკული სასმელების მოხმარება
ენერგეტიკული სასმელები დიდი ოდენობით შაქარსა და კოფეინს შეიცავს, რაც ჯანმრთელობის მენტალურ პრობლემებს – სტრესსა და შფოთსს, ფიზიკურ დაავადებებს უმატებს ბონუსად :სიმსუქნეს, თირკმელების დაავადებას, დაღლილობას, მუცლის ტკივილსა და გაღიზიანებას.

  • თუ კოფეინის მიღების დიდი მოთხოვნილება გაქვს, ენერგეტიკული სასმლის მიღებას, ყავის დალევა ჯობს;
  • 8 ჭიქა წყალი დალიე ყოველდღიურად, რადგან დეჰიდრატაცია (სხეულიდან წყლის განდევნა) იწვევს დაღლილობას;
  • მიიღე პროტეინები: კვერცხი, მწვანე ლობიო და საქონლის ხორცი. პროტეინები ისეთ უჯრედებზე ზემოქმედებენ, რომლებსაც ადამიანი ტონუსში მოჰყავთ.
დიდხანს ჯდომა
დიდხანს ჯდომამ შეიძლება გამოიწვიოს სიმსუქნე, სისხლში შაქრის დონის მომატება და 2 ტიპის დიაბეტი. დიდხანს ჯდომისას, ასევე, გულის დაავადების რისკი იზრდება.
  • ტელეფონზე საუბრის დრო გამოიყენე ფეხზე ასადგომად;
  • შეხვედრებზე იარე;
  • ყოველ 30 წუთში ერთხელ მინი ფიზიკური განტვირთვა მოუწყე საკუთარ თავს.
 არასაკმარისი ძილი
უბედური ავტოსაგზაო შემთხვევებიდან, 6000-ზე მეტის მიზეზი ძილის დეპრივაციაა (დარღვევა). ფიზიკურ ჯანმრთელობასთან დაკავშირებული მოულოდნელი და ნეგატიური სიახლეები, ასევე, კავშირშია არასაკმარის ძილთან. მაგალითად, სიმსივნე. უძილობა მოქმედებს კოგნიტურ პროცესებზე, გადაწყვეტილების მიღების უნარზე. შესაბამისად, ძილის დარღვევა ნეგატიურად იმოქმედებს შენს საქმიანობაზე.
  • ღამით 7-8 საათი ძილი არის სტანდარტი. დაიძინე და გაიღვიძე ერთსა და იმავე დროს. შენი ბიოლოგიური საათი მიეჩვევა რუტინას და ძილის ეს რეჟიმი გახდება ორგანული;
  • დაძინებამდე მედიტაციის ტექნიკას მიმართე;
  • დაახლოებით, 1 საათით ადრე, დაძინებამდე, მოერიდე სამსახურის საქმეებს, ტელევიზორს, სტრესულ დიალოგს.

ცხოვრება და მუშაობა ერთსა და იმავე სივრცეში
სოციალური იზოლაცია, კარდიოვასკულარული დაავადებები (გულ-სისხლძარღვთა), ნეიროენდოკრინული სიმსივნეები და კოგნიტური ფუნქციონირება, ერთმანეთთანაა დაკავშირებული. ისინი ხელს უწყობენ დეპრესიას, შემეცნებითი უნარების დაქვეითებას, ძილის პრობლემებს.

  • ნუ იმუშავებ სახლში;
  • ოჯახსა და მეგობრებთან ერთად გაატარე დრო, რეგულარულად. თუ შესაძლებელია, ყოველდღიურად.
ტელეფონის შემოწმება ხშირად (განსაკუთრებით, ღამით)
ჰარვარდის კვლევებში აღმოაჩინეს, რომ ლურჯი ნათება ჯანსაღ ძილზე ნეგატიურად ზემოქმედებს. სმარტფონების, ლეპტოპებისა და სხვა ციფრული მოწყობილობებიდან გამოსხივებული ლურჯი  შუქი მხედველობას აზიანებს. თვალის დაძაბულობა კი თავის ტკივილს იწვევს.
  • ძილის წინ და ახალგაღვიძებული, ეცადე, არ გამოიყენო ტელეფონი, ლეპტოპი და ა.შ.თუმცა, თუ მაინც საჭიროა მისი გამოყენება, ლურჯი ნათებისგან დამცავი სათვალე მოირგე;
  • მოწყობილობების მოხმარებიდან, ყოველ 20 წუთში ერთხელ, თვალები შეასვენე;
  • 20 წუთის განმავლობაში თვალის კონცენტრაცია მოახდინე შორს მდებარე საგნებზე;
  • თუ ამის შანსი გექნება, ტელეფონის ნაცვლად, გამოიყენე ფურცელი და კალამი.

როგორც სპეციალისტები ამბობენ, მავნე ჩვევისგან გათავისუფლებას, 21 დღიდან 1 თვემდე პერიოდი სჭირდება.

წყარო: inc.com



განხილვა