თითქმის 770 კილომეტრის მანძილზე გადაჭიმული ელვა, რომელმაც აშშ-ის სამი შტატი მოიცვა, მსოფლიოს რეკორდსმენი გახდა. მსოფლიო მეტეოროლოგიური ორგანიზაციის (WMO) მონაცემებით, ამ წარმოუდგენელმა მეგა-ნათებამ წინა რეკორდი 70 კილომეტრით გააუმჯობესა…
ელვა იმდენად გრძელი იყო, რომ მისისიპის, ლუიზიანასა და ტეხასის მთების ტერიტორიაზე იყო გადაჭიმული. მეტი თვალსაჩინოებისთვის, ეს სიგრძე ლონდონსა და ჰამბურგს შორის მანძილს უტოლდება. “ექსტრემალური გარემო მოვლენები ბუნების ძალის ცოცხალი საზომია. სავარაუდოა, რომ კიდევ უფრო ექსტრემალური მოვლენები არსებობს ჩვენს ირგვლივ და უახლოეს მომავალში მათ დაკვირვებას შევძლებთ, ელვის დაფიქსირების ტექნოლოგიების გაუმჯობესებასთან ერთად”, — განაცხადა პროფესორმა რენდალ სერვენიმ, WMO-ს წარმომადგენელმა.
როგორ წარმოუდგენლადაც არ უნდა ჟღერდეს მსგავსი მოვლენები, ისინი ბუნების ძალას და უსაფრთხოების მნიშვნელობას გვახსენებს. WMO-ს გენერალური მდივნის თქმით, ელვა სერიოზულ საფრთხეს წარმოადგენს, რომელიც ყოველწლიურად უამრავ სიცოცხლეს კლავს. დასკვნები კი ხაზს უსვამს ელექტრიფიცირებულ ღრუბლებში წარმოქმნილ საშიშროებას.
