in

8 ჯანსაღი ჩვევა ჯანსაღი ძილისთვის

დაღლილი ხართ უძილო ღამეებით? ან გადაჭარბებულად გძინავთ? თქვენ არ ხართ მარტო. ძილის ეროვნულ ფონდში ნათქვამია, რომ ამერიკელი მოზარდების თითქმის 62% ყოველ კვირის რამდენიმე ღამის განმავლობაში განიცდის ძილის პრობლემას.

“ძილის ნაკლებობა უარყოფითად აისახება თქვენს ჯანმრთელობაზე და ცხოვრების ხარისხზე”, – ამბობს დივაკარ ბალაჩანდრანი, მედიცინის დოქტორი. ამან შეიძლება გამოიწვიოს განწყობის დაქვეითება, მეხსიერების პრობლემები და აზროვნების და კონცენტრაციის პრობლემები. ძილის ქრონიკულმა პრობლემამ შეიძლება გამოიწვიოს წონის მომატება, მაღალი არტერიული წნევა და იმუნური სისტემის დასუსტება.

იმის გასარკვევად, იღებთ თუ არა ადექვატურ ძილს, შეაფასეთ როგორ გრძნობთ თავს დღის განმავლობაში. ”თქვენ უნდა იგრძნოთ, რომ დასვენებული ხართ, გაქვთ ენერგია და შრომის უნარი”, – ამბობს ბალაჩანდრანი. მოზარდების უმეტესობამ უნდა იძინოს შვიდიდან რვა საათის განმავლობაში ყოველ ღამე.

გთავაზობთ რჩევებს, რომლებიც დაგეხმარებათ უკეთ დაძინებაში.

შექმენით ძილის თანმიმდევრული გრაფიკი – დაიძინეთ ერთსა და იმავე დროს და გაიღვიძეთ ერთსა და იმავე დროს.

შექმენით რეგულარული ძილის რიტუალები ერთი და იგივე გააკეთეთ ყოველ ღამე, ძილის წინ, მაგალითად, მიიღეთ თბილი აბაზანა, წაიკითხეთ წიგნი ან მოუსმინეთ მუსიკას. ძილის წინ თქვენი აქტივობა უნდა იყოს დამამშვიდებელი, რათა თქვენმა სხეულმა იცოდეს როდის არის ძილის დრო.

ივარჯიშეთ რეგულარულად დარწმუნდით, რომ ვარჯიშობთ ძილის წინ მინიმუმ ორი საათით ადრე, ან შეიძლება ძნელი იყოს დაძინება.

იკვებეთ ჯანსაღად ძილის წინ კვებამ შეიძლება გაართულოს ძილი, მაგრამ მცირე საუზმე ძილის წინ, ხელს უწყობს ძილს.

შეზღუდეთ კოფეინი და მოერიდეთ ნიკოტინს კოფეინი და ნიკოტინი არის სტიმულატორები, რომლებიც ხელს უშლიან ძილს. შეზღუდეთ კოფეინის მიღება დღის განმავლობაში და ნუ დალევთ შუადღის შემდეგ

მოერიდეთ ალკოჰოლს ალკოჰოლი არის დამამშვიდებელი, რომელიც ანელებს ტვინის მოქმედებას. მიუხედავად იმისა, რომ მას შეუძლია გამოიწვიოს ძილი, ის შუალედში ხელს უშლის ღამის ძილს, რაც იწვევს თქვენ ხშირად გაღვიძებას და კოშმარებს. უმჯობესია არ დალიოთ ალკოჰოლი ძილის წინ ოთხიდან ექვს საათამდე.

დღის განმავლობაში არ დაიძინოთ 30 წუთზე მეტ ხანს დღის განმავლობაში თქვენ აყალიბებთ “ძილის ვალს”, რომელიც გეხმარებათ დაიძინოთ ღამით. დღის განმავლობაში ძილი კი ფარავს ამ ვალს, რაც ხელს უშლის თქვენს ღამის ძილს. თუ გჭირდებათ ძილი, არ გადააჭარბოთ 30 წუთზე მეტ ხანს.

გამოიყენეთ თქვენი საძინებელი მხოლოდ დასაძინებლად არ ჭამოთ ან უყუროთ ტელევიზორს საწოლში. არ გამოიყენოთ ელექტრონიკა – ლეპტოპები, მობილური ტელეფონები ან ტაბლეტები – საწოლში. დარწმუნდით, რომ თქვენი საძინებელი არის ბნელი, მშვიდი და გრილი. თუ მას მხოლოდ ძილისთვის იყენებთ, თქვენს საძინებელს დაუკავშირებთ ძილს და არა აქტივობას ან სტრესს.

”ჩვენ არ შეგვიძლია ვიცხოვროთ ან ვიმუშაოთ ძილის გარეშე – ეს გვაძლევს იმის საშუალებას, რომ მივაღწიოთ იმას, რაც გვინდა ცხოვრებაში”, – ამბობს ბალაჩანდრანი. ასე რომ, ყურადღება მიაქციეთ თქვენს ძილს. დარწმუნდით, რომ ისვენებთ, რათა იყოთ ჯანმრთელი და ებრძოლოთ დაავადებებს, თუნდაც როგორიცაა კიბო.

რუბრიკას ჯანსაღი ცხოვრების წესზე წარმოგიდგენთ ფარმადეპო.

ავტორი: თინათინ უგრეხელიძე

MyFirst Insta Wi, პოლაროიდი ბავშვებისთვის – პირველი ნაბიჯები ფოტოგრაფიაში

ასტრონომებმა ჩვენი გალაქტიკის ცენტრიდან მომავალი უჩვეულო სიგნალები დააფიქსირეს