უახლესი ტექნოლოგიების სამყაროში ვცხოვრობთ და AI ფოტოგენერატორებიც არ არის თქვენთვის უცხო, თუმცა ამ სტატიაში თავი მოვუყარეთ რამდენიმე მათგანს. ისინი მრავალჯერაა დატესტილი კრეატორების მიერ და ამ ეტაპზე ყველაზე პოპულარულ ხელსაწყოებად ითვლება.
Adobe Firefly
ის სხვა ხელსაწყოების კომპლექტშიცაა ინტეგრირებული, მათ შორის Photoshop-ში, თუმცა ხელმისაწვდომია უფასო ვებვერსიაც. Firefly-ის ერთ-ერთი შესანიშნავი თვისება ისაა, რომ მისი გამოყენებით გენერირებული სურათები უსაფრთხოა კომერციული გამოყენებისთვის. მას, ასევე, წვდომა აქვს Adobe Stock-ის სურათებზე.
ამ ხელსაწყოს უფასო ვებვერსია firefly.adobe.com-ზეა ხელმისაწვდომი და ძალიან მარტივია. როდესაც თქვენს მოთხოვნას შეიყვანთ, შეგიძლიათ აირჩიოთ კონტენტის ტიპი და ასობით ტრენდულ ფოტოს მიიღებთ.
Midjourney
ის უკვე დიდი ხანია კრეატორების საყვარელი ინსტრუმენტია. თავდაპირველად ის Discord-ში იყო განთავსებული, თუმცა ახლა უკვე ცალკეულ ვებსაიტზეა ხელმისაწვდომი.
სურათების ეს გენერატორი თქვენი მოთხოვნის საფუძველზე ოთხ ვარიანტს შექმნის. შეგიძლიათ, აირჩიოთ სასურველი ან, თუ არ მოგეწონებათ, ხელახალი მოთხოვნა გაუგზავნოთ. ამასთან, შეგიძლიათ, არჩეული ფოტო ჩამოტვირთოთ და ისეთ ფოტოებსაც კი გაუკეთოთ კორექცია, რომლებიც სხვა ხელოვნურმა ინტელექტმა დაგიმზადათ და არ მოგეწონათ.
ChatGPT
Open AI-ის ChatGPT-მ ხელოვნური ინტელექტის სურათების ძველი გენერატორი DALL-E გააუქმა და პირდაპირ თავის პროდუქტში დაამატა ახალი. მოდელმა დიდი გზა გაიარა DALL-E-ს შემდეგ, თუმცა დღესდღეობით ChatGPT-ს ბადალი არ ჰყავს რეალობასთან მიახლოებული ფოტოების შექმნაში.
იმისთვის, რომ ეს ინსტრუმენტი გამოიყენოთ, უბრალოდ აღწერეთ, რა გინდათ, ზუსტად ისე, როგორც ტექსტის მოთხოვნისას გააკეთებდით, უბრალოდ უნდა მიუთითოთ, რომ სურათი გინდათ და არა ტექსტი.
მიუხედავად იმისა, რომ ChatGPT ამ სიაში ერთ-ერთი ყველაზე ძვირადღირებული ინსტრუმენტია, ის ყველაზე მეტ შესაძლებლობას იძლევა.
Canva
Canva-ს საუკეთესო ფუნქციების უმეტესობა მისი ფასიანი პაკეტის უკან იმალება. ის გაძლევთ რამდენიმე შედეგს და იქიდან შეგიძლიათ სურათის ზომის შეცვლა ან პირდაპირ თქვენს დიზაინში ჩასმა. Canva ასევე გთავაზობთ სურათის სტილის ისეთ ვარიანტებს — როგორიცაა „ფოტო“, „ნახატი“ ან „ფერწერა“. შეგიძლიათ, გამოიყენოთ ხელოვნური ინტელექტი სურათების გასაფართოებლად, ფონის მოსაშორებლად და სხვა მსგავსი მიზნებისთვისაც.
Stable Assistant
ეს არის ღია კოდზე დაფუძნებული ხელოვნური ინტელექტის სურათების გენერატორი, რომელიც ცოტა უფრო მეტ ტექნიკურ ცოდნას მოითხოვს, თუმცა არ ინერვიულოთ, რთული მაინც არ არის. 2025 წელს მათ სურათების შექმნის მოდელი კიდევ უფრო ხელმისაწვდომი გახადეს ჩატის სტილის ინტერფეისით, რომელიც შექმნილია სურათების გენერირების პროცესის გასამარტივებლად.სურათების გენერატორში შეგიძლიათ რეალურ დროში დახვეწოთ თქვენი მოთხოვნები და ასისტენტს სთხოვოთ ახსნას, თუ როგორ გააუმჯობესოთ ისინი.
Gemini
Gemini Google-ის უახლესი მულტიმოდალური ხელოვნური ინტელექტია, რომელმაც Bard ჩაანაცვლა. თუ შესული ხართ Google ანგარიშში, მასზე წვდომა შეგიძლიათ gemini.google.com-ზე სრულიად უფასოდ.
Gemini-ს გამოყენება ძალიან ჰგავს ChatGPT-ს, თუმცა Google-ის ეკოსისტემაში. მაგალითად, შეგიძლიათ დაამატოთ თქვენი სურათი ელფოსტაში ან გააზიაროთ Google Doc-ში ერთი დაწკაპუნებით. ის ასევე ჰგავს ChatGPT-ს იმით, რომ შეგიძლიათ, სთხოვოთ ცვლილებების შეტანა, მაგრამ ის შექმნის სრულიად ახალ სურათებს თქვენი მოთხოვნის საფუძველზე.
Recraft
შედარებით ახალი, თუმცა უკვე საკმაოდ პოპულარულია. ის აერთიანებს ილუსტრაციას, ვექტორულ დიზაინსა და ბრენდის აქტივებს. მისი დახმარებით შეგიძლიათ შექმნათ ყველაფერი, დიზაინის მაკეტებიდან დაწყებული კომპანიის ლოგოებით დამთავრებული.
Reve Image
ნაკლებად ცნობილი, მაგრამ საკმაოდ კარგი ინსტრუმენტია, რომელიც ნამდვილად, ნამდვილად უსმენს თქვენს მოთხოვნებს. მისი გამოყენება მარტივია: დარეგისტრირდით საიტზე, შეიყვანეთ მოთხოვნა სურათების შესაქმნელად და აირჩიეთ რამდენიმე ძირითადი სტილიდან, როგორიცაა: კინემატოგრაფია, მინიმალისტური და სხვა. შემდეგ ინსტრუმენტი ქმნის ხელოვნური ინტელექტის მიერ გენერირებული სურათების რიგს, რომლის დახვეწაც შეგიძლიათ თქვენთვის სასურველი ელემენტების არჩევით.
Meta AI
Meta-მ 2024 წლის აპრილში გამოუშვა საკუთარი ხელოვნური ინტელექტის მქონე ჩატბოტი, რომელიც ხელმისაწვდომია მის ყველა პლატფორმაზე. ეს სინამდვილეში კომპანიის პასუხია ChatGPT-ზე, დამატებითი ბონუსით, რომ მისი გამოყენება პირდაპირ თქვენს საყვარელ სოციალური მედიის აპლიკაციაში შეგიძლიათ სურათების გენერირებისთვის (რაც ძალიან აადვილებს მასთან მუშაობას, თუ თავს კომფორტულად გრძნობთ Instagram-ზე, Facebook-ზე ან WhatsApp-ზე).
ერთადერთი უარყოფითი მის გამოყენებას ის აქვს, რომ ხელოვნური ინტელექტის მიერ გენერირებულ ყველა სურათს ექნება Meta-ს ლოგო და ნიშანი წარწერით “imagined with AI.”
