სერიალ “სამეფო კარის თამაშების” (GOT) მერვე სეზონის პრემიერამდე სულ ცოტა დრო რჩება. სანამ სერიალის დასკვნით ნაწილს GOT-ის გულშემატკივრები მოუთმენლად ელიან, Mountain Dew-მ სახალისო რეკლამა გამოუშვა, სახელწოდებით “A Can Has No Name” (“ქილას არ აქვს სახელი”). სპეციალურად კამპანიისთვის, Mountain Dew-მ საკუთარი სახელიც კი გაწირა და საკუთარი სასმელი უსახელო თუნუქის ქილით გამოუშვა. ქილაზე “სამეფო კარის თამაშების” იმ პერსონაჟების სახელებია ჩამოწერილი, რომელთა მოკვლაც არია სტარკს აქვს განზრახული.
