დიზაინერი და არტ-დირექტორი აბესალომ ყაველაშვილი Lürzer’s Archive-ის წლევანდელ რჩეულ დიზაინერებში მოხვდა. მისი ნამუშევრები გამოცემა 200 Best Digital Artists in the Worldwide 2021-ში დაიბეჭდა. აბესალომ ყაველაშვილის პროექტებიდან Lürzer’s Archive-მა, წელს, ორი გამოარჩია და ტიპოგრაფიის კატეგორიაში განათავსა.
„დარჩი სახლში“
ეს აბესალომის პერსონალური ნამუშევარია, რომელიც Covid-19 პანდემიის დასაწყისში შექმნა.
„ქეშბექი“
ლიბერთი ბანკის ლოიალობის პროგრამა „ქეშბექის“ ვიზუალურ ნაწილზე აბესალომ ყაველაშვილმა სააგენტო Leavingstone-თან თანამშრომლობით იმუშავა.
გამოცემა Lürzer’s Archive შემოქმედებითი ინდუსტრიისთვის იქმნება და აერთიანებს სარეკლამო კამპანიებს მთელი მსოფლიოდან. ჟურნალი 1984 წელს შეიქმნა და ერთ-ერთ გამორჩეულ გამოცემადაა მიჩნეული.