წლის მიწურულს, როცა ყველა საზეიმოდ ვემზადებით, ცხოველები შიშით ელოდებიან. საქმე ისაა, რომ საყოველთაო მხიარულებაში გვავიწყდება, რამდენად დიდი ზიანი მოაქვს პიროტექნიკის გამოყენებას – მას დამღუპველი გავლენა აქვს ცხოველებზე და სახიფათოა ადამიანის ჯანმრთელობისთვის. ეს პრობლემა განსაკუთრებით აქტუალურია სადღესასწაულო პერიოდში. პიროტექნიკის გამოყენების მავნებლობის შესახებ ცნობიერების ამაღლების მიზნით, საქართველოს საკომუნიკაციო სააგენტოების ასოციაცია ACAG-მა, Animal Project-ის მხარდაჭერით, პრინტ კონკურსი ჩაატარა. დავალების ფარგლებში, სააგენტოებმა შექმნეს პრინტ ნამუშევრები, რომელთა საშუალებითაც ისინი საქართველოს მოქალაქეებსა და ბიზნესსექტორს პიროტექნიკის გამოყენებაზე უარის თქმისკენ მოუწოდებენ.
ACAG-ის პრინტ კონკურსის შეფასება დასრულდა და უკვე ცნობილია შედეგებიც! Animal Project-ის რჩეული გახდა Saatchi & Saatchi-სა და Quick-ის ნამუშევრები.
გამარჯვებული სამეული ასე გადანაწილდა:
I ადგილი – Mozaika
II ადგილი – Watergunz
III ადგილი – Redberry
კონკურსის სრული რეიტინგი ასე გამოიყურება.
აქვე გაგაცნობთ კონკურსის ყველა ნამუშევარს (განლაგებულია შემთხვევითობის პრინციპით). პრინტების გადმოწერისა და გავრცელების სურვილის შემთხვევაში, შეგიძლიათ ამ ბმულს ეწვიოთ.
Kraken
Making Science
meta agency
Mozaika
Playmakers
Quick
Redberry
Saatchi & Saatchi Tbilisi
watergunz
Windfor’s
