Windfor’s Workshops კრეატიული სახელოსნოების მოდულები სტუდენტებს თვითგანვითარების, თვითგანათლების, თანა-შექმნის სივრცეს უზიარებს. პროგრამა შემოქმედებითი ინდუსტრიით დაინტერესებული, 18-30 წლის ახალგაზრდებისთვისაა და მიზნად მათთვის პროფესიული ცოდნის გადაცემასა და შემოქმედებითი უნარების განვითარებაში დახმარებას ისახავს. მათ შორის კი, რეალურ ბრიფებზე მუშაობას.
ამჯერად, მიღება დაიწყო Windfor’s Workshops-ის ახალ მოდულზე, კრეატიული კამპანიის სახელოსნოში, რომელიც მოიცავს სტრატეგიის, კრეატივის, ქოფირაითინგის, Art Direction-ის, AI Solutions სახელოსნოებსა და მასტერკლასებს.
დაინტერესებულ სტუდენტებს კი, ACAG-ის 100%, 60% ან 40%-იანი სტიპენდიის მიღება შეუძლიათ.
სტიპენდიის მისაღებად, მსურველებმა მხოლოდ ერთადერთი პირობა უნდა შეასრულონ:
გააგზავნონ Windfor’s Workshops-თან საკუთარი არასტანდარტული ფორმატის CV – ნებისმიერი სახით, ნებისმიერ მედიუმში, ნებისმიერი გზით. არ არსებობს არანაირი შეზღუდვა – გარდა ჩვეულებრივი CV-სა.
გამარჯვებული კი იმის მიხედვით შეირჩევა, თუ რამდენად კრეატიული, განსხვავებული და საინტერესო იქნება მის მიერ გამოგზავნილი CV-ის ფორმატი და მედიუმი.
კრეატიულ CV-ს შეაფასებენ ACAG-ის წევრი სააგენტოები. პროგრამის წარმატებით დასრულების შემდეგ, სტუდენტებს ექნებათ შესაძლებლობა გადადგან პირველი კარიერული ნაბიჯები და სტაჟირება ამავე სააგენტოებში გაიარონ.
არასტანდარტული CV-ის გამოგზავნა მსურველებს შეეძლებათ ნებისმიერი სახით:
ციფრულად: მიჰყევით ამ ბმულს
ფიზიკურად: მერაბ კოსტავას 14 (სტამბა), Windfor’s Workshops
ნამუშევრის გამოგზავნის ბოლო ვადა: 12 თებერვალი, 23:59
პროგრამის დაწყების თარიღი: 16 თებერვალი
[პარტნიორის კონტენტი]
