„ახალი დროა“ – ამ მთავარი გზავნილით, Spotlight Tech ბრუნდება! სფოთლაითის სივრცეში ინოვაციები და ტექნოლოგიები, ჯერ კიდევ, 2018 წელს გამოჩნდა. 5-წლის შემდეგ, წლის მთავარი ტექნოლოგიური დღესასწაული კვლავ ჩატარდება და სტუმრებს ინოვაციებსა და ტექნოლოგიებზე ესაუბრება. 14 მაისს, სასტუმრო Raddison Blu Iveria-ში 600 გულანთებული სტუმარი შეიკრიბება, 30-მდე სპიკერის შთამაგონებელ გამოსვლას დაესწრება, მასტერკლასებსა და ვორქშოპებზე ახლებურ ხედვას გაიზიარებს, გადაიაზრებს ტექნოლოგიების ცნებას ჩვენს ყოველდღიურობაში, შეხვდება ძველ კოლეგებს და გაიცნობს ახლებს. უკვე არაერთი წელია, ღონისძიების მხარდამჭერია „ენთები“. Spotlight-თან ხანგრძლივ მეგობრობაზე, „ენთების“ თანადამფუძნებელი ნიკა წიკლაური გვესაუბრა.
M: როგორც სფოთლაითის მრავალწლიანი მხარდაჭერისთვის, რითაა ღირებული ეს მეგობრობა თქვენთვის?
სფოთლაითის ღონისძიება ძალიან ახლოსაა „ენთების“ ბრენდის სულისკვეთებასთან. დაარსების დღიდან, „ენთების“ ერთ-ერთი ამოცანაა, უფრო გაათანამედროვოს და გაახალისოს ბუღალტრული მომსახურების სფერო. ბუღალტერია და გადასახადები, ტრადიციულად, ყოველთვის აღიქმებოდა მოსაწყენ საქმიანობად. „ენთები“ თანამედროვე მიდგომებით, რუტინული პროცესების ავტომატიზაციითა და მარკეტინგული საშუალებების აქტიური გამოყენებით ცდილობს აუდიტორიამდე მიიტანოს მესიჯი, რომ ბუღალტრული სფეროც ისეთივე თანამედროვე, ხალისიანი და ამავე დროს პასუხისმგებლიანი შეიძლება იყოს, როგორც ნებისმიერი სხვა საქმიანობა.
M: თქვენი შეფასებით, რა შეცვალა სფოთლაითმა, ამ წლების მანძილზე?
სფოთლაითმა მოახდინა მარკეტინგული სფეროს აქტიურად პოპულარიზაცია საქართველოში და ფართო აუდიტორიას დაანახა, რამდენად დინამიკური, მზარდი და რაც მთავარია, პრაქტიკული შეიძლება იყოს მარკეტინგი ბიზნესისთვის. დღეს, საქართველოში ბიზნესების დიდ ნაწილს უკვე ესმის მარკეტინგის მნიშვნელობა კომპანიის წარმატებისთვის და ამ ცნობიერებას სფოთლაითის მასშტაბური ღონისძიება კიდევ უფრო მეტად ამაღლებს.
M: თქვენთვის რატომ არის მნიშვნელოვანი ასეთი ღონისძიების მხარდაჭერა?
ორი ძირითად მიზეზს დავასახელებ:
პირველ რიგში, სფოთლაითი ახდენს მარკეტინგის შესახებ ცნობიერების ამაღლებას ბიზნეს-საზოგადოებაში. ეფექტური მარკეტინგი ბიზნესის მეტ წარმატებას და საბოლოო ჯამში, ეკონომიკის გაძლიერებას ემსახურება. ძლიერი ეკონომიკა ყველასთვის სარგებლის მომტანია, მათ შორის „ენთებისთვისაც“, რადგან განვითარებული ეკონომიკა მეტ მომხმარებელს და კვალიფიციურ თანამშრომელს ნიშნავს.
მეორე და არანაკლებ მნიშვნელოვანი მიზეზია ის, რომ, როგორც ზემოთ აღვნიშნეთ, „ენთების“ ბრენდი თავისი არსით ახლოს დგას სფოთლაითის ღონისძიების სულისკვეთებასთან. ახალი მეთოდოლოგიების დანერგვა, თანამედროვე მიდგომები და გაუმჯობესების მცდელობები ენთების განუყოფელი ნაწილია.
M: წლევანდელი სფოთლაითი ინოვაციებსა და ტექნოლოგიებს ეხება. როგორია მოლოდინი Spotlight Tech-თან დაკავშირებით?
სფოთლაითი ჩვენთვის არის მასშტაბური პლატფორმა, სადაც შეგვიძლია კიდევ ერთხელ გავაკეთოთ ენთების ბრენდის ატრიბუტების (თანამედროვეობა, ახლის ცდა და განვითარება) კომუნიკაცია ფართო ბიზნეს-აუდიტორიასთან. „ენთები“ მუდმივად ახდენს მისი ბრენდის სხვადასხვა ასპექტის აქტიურ კომუნიკაციას რათა პოტენციურ მომხმარებლებს და თანამშრომლებს დაანახოს მისი პოზიტივი და ენერგია. წელსაც, ჩვენი მიზანი იქნება აუდიტორიასთან აქტიური კომუნიკაცია და ემოციების გაზიარება.
ღონისძიების წარმდგენია: e team
გენერალური პარტნიორი: Visa
ოქროს სპონსორი: ავერსი ფარმა
ვერცხლის სპონსორი: Bolt
ღონისძიების ოფიციალური ავტომობილი: Porsche
მხარდამჭერები: AccountAnts, McDonald’s, Geosoft – Google Cloud, ლურჯი ოკეანე, Top Sport, Aldagi Business, BTU, It Step Academy, Adwise, Alta, Johnny Walker.
არ გამოგრჩეს არცერთი სიახლე ღონისძიებასთან დაკავშირებით, გამოიწერე Spotlight-ის ოფიციალური Facebook გვერდი.
