in

Act Fast: რატომ არის მნიშვნელოვანი, რომ არ დავივიწყოთ COVID-19

თითქმის 3 წლის შემდეგ COVID-19 აღარ წარმოადგენს დღის წესრიგის მთავარ თემას. ამასობაში კი, პრობლემა კვლავ რელევანტური და სიცოცხლისთვის სახიფათო რჩება, განსაკუთრებით რისკჯგუფში მყოფი ადამიანებისთვის. ACT Fast. GET TESTED კამპანიის დაწყებით საქართველოში, კომპანია Pfizer-ის მიზანია, COVID-19-ზე მეტ საუბარს შეუწყოს ხელი, კერძოდ, ტესტირების მნიშვნელობაზე და შემდგომ უკვე მკურნალობის არჩევანის მიღების საშუალებებზე. 

მსოფლიო ჯანდაცვის ორგანიზაციის (WHO) სტატისტიკის მიხედვით, გლობალური COVID-19 პანდემიის დაწყებიდან, საქართველოში დაფიქსირდა 1.8 მილიონზე მეტი ახალი კორონავირუსით დაინფიცირების შემთხვევა. აღნიშნული პერიოდის განმავლობაში დაავადებამ 16 ათასზე მეტი ადამიანის სიცოცხლე შეიწირა. მიუხედავად ავადობის დინამიკაში არსებული ცვლილებებისა, COVID-19 პანდემია ჯერ კიდევ შორს არის დასასრულისგან. სპეციალისტებს განსაკუთრებით აღელვებთ ის ფაქტი, რომ გრიპს, გაციებასა და ახალი კორონავირუსის ინფექციას ერთნაირი სიმპტომები ახასიათებს. სწორედ ამიტომ არის ტესტის ჩატარება აუცილებელი, სიმპტომების გამოვლენის ადრეულ ეტაპზე, რათა სწორად მოხდეს დაავადების დიაგნოსტირება და დროული მკურნალობის დაწყება.

უფრო მეტიც, COVID-19 კვლავ წარმოადგენს დიდ საფრთხეს რისკჯგუფში მყოფი ადამიანებისთვის, ვისთვისაც სუსტი სიმპტომებიც კი შეიძლება პროგრესირდეს და გადაიზარდოს სერიოზულ დაავადებაში, რასაც ჰოსპიტალიზაციის, ინტენსიური მოვლის საჭიროებისა და პოტენციურად, სიკვდილის გამოწვევაც კი შეუძლია.

კვლევების თანახმად, ყველაზე მოწყვლად ჯგუფს წარმოადგენენ ხანში შესული ადამიანები (COVID-19-ით გამოწვეული სიკვდილიანობის 81%-ზე მეტი დაფიქსირდა 65 წლის ზემოთ მყოფი ასაკის ადამიანებში) და ქრონიკული დაავადებების მქონე ადამიანები, როგორიც არის: რესპირატორული (მაგ.: ფილტვის ქრონიკული ობსტრუქციული დაავადება (COPD), საშუალო და ძლიერი ბრონქიალური ასთმა, კისტოზური ფიბროზი და სხვა), კარდიოვასკულარული, ცერებროვასკულარული, თირკმლის, ღვიძლის, ჰემატოლოგიური დაავადებები, სიმსივნე, დიაბეტი (1 ან 2 ტიპი), ჭარბწონიანობა (BMI > 30kg/m2) და რომლის დროსაც არის დაქვეითებული იმუნიტეტი (მაგ.: გადანერგილი ორგანო, HIV/AIDS და სხვა).

განსაკუთრებით შემაშფოთებელია არაგადამდები დაავადებების ფართო გავრცელების მაღალი მაჩვენებლები საქართველოში, რაც, თავის მხრივ, წარმოადგენს COVID-19-ის გავრცელების რისკფაქტორებს. მსოფლიო ჯანდაცვის ორგანიზაციის (WHO) კვლევის მიხედვით, მოსახლეობის დაახლოებით 37.7%-ს აქვს მაღალი არტერიული წნევა, ხოლო 33.2% არის ჭარბწონიანი. მეორე პრობლემას წარმოადგენს თამბაქოს მწეველთა მაღალი მაჩვენებელი (31%), რაც ასევე უარყოფითად მოქმედებს COVID-19-ით ავადმყოფობის მიმდინარეობაზე.

„ჩვენს ყოველდღიურობაში, მუდმივად ვხვდებით რისკჯგუფის წარმომადგენლებს, ვისთვისაც COVID-19-ით გამოწვეული შედეგები შეიძლება ფატალური აღმოჩნდეს. ესენი არ არიან მხოლოდ ჩვენი ბებიები და ბაბუები, არამედ ქრონიკულად დაავადებულ ადამიანთა უზარმაზარი რიცხვი, მათ შორის კარდიოვასკულარული დაავადების მქონე ადამიანები, როგორიც არის მაღალი არტერიული წნევის მქონე პირები, რაც განსაკუთრებით ხშირია ჩვენს ქვეყანაში. აქედან გამომდინარე, ჩვენი ვალდებულებაა, ჩავიტაროთ კორონავირუსის ინფექციაზე ტესტი დაავადების სიმპტომების გამოვლენის პირველივე ნიშნებზე, დროულად გავიაროთ ექიმის კონსულტაცია და, საჭიროების შემთხვევაში, ჩავიტაროთ მკურნალობა, რაც სწრაფად შეაჩერებს აღნიშნულ სიმპტომებს“, — შეგვახსენებს ნინო ასათიანი, პირველადი ჯანდაცვის განვითარების ხელშემწყობთა ასოციაციის პრეზიდენტი საქართველოში.

დეკემბერში დაიწყო ACT Fast. GET TESTED კამპანია საქართველოში, რომლის მიზანია, ადამიანებს შეახსენოს ახალი კორონავირუსის ინფექციის სიმძიმე, პირველივე სიმპტომების არსებობის შემთხვევაში სწრაფი რეაგირების საჭიროება. ასევე, ის ემსახურება COVID-19-ის მკურნალობის მეთოდების შესახებ ცნობიერების ამაღლებას, განსაკუთრებით რისკჯგუფში მყოფი ადამიანებისთვის. 3 თვის განმავლობაში ქვეყნის მასშტაბით ჩატარდება ტრადიციული მედია და სოციალური მედია აქტივობები, სადაც ჩართულნი იქნებიან ჯანდაცვის სისტემაში მოღვაწე წამყვანი პროფესიონალები.

„რადგან COVID-19 ყველა ადამიანზე განსხვავებულად მოქმედებს, მაღალი რისკის ჯგუფში ყოფნა ნიშნავს, რომ უმნიშვნელო სიმპტომებიც კი შეიძლება პროგრესირდეს და გახდეს ძლიერი დაავადების წინაპირობა, რასაც ჰოსპიტალიზაციის და პოტენციურად, სიკვდილის გამოწვევაც კი შეუძლია. რისკის სტატუსის ცოდნა მნიშვნელოვანი წინგადადგმული ნაბიჯია როგორც საკუთარი თავის, ასევე ახლობლების დასაცავად ვერაგი COVID-19-სგან. თუ თქვენ იცით, რომ რისკჯგუფში ხართ და ფიქრობთ, რომ COVID-19-ისთვის დამახასიათებელი სიმპტომები გაქვთ, დაუყოვნებლივ გაიკეთეთ ტესტი და გაესაუბრეთ თქვენს ექიმს მკურნალობის შესაძლო მეთოდებზე. ასეთ დროს სწრაფი მოქმედება კრიტიკულად მნიშვნელოვანია, რადგან თერაპია უნდა დაიწყოს ინფიცირების პირველივე დღეებიდან“, — ამბობს ზარინა კოჟახმეტოვა, Pfizer-ის სამედიცინო ხელმძღვანელი კავკასიისა და ცენტრალური აზიის რეგიონში.

თუ COVID-19-ისთვის დამახასიათებელი რაიმე სიმპტომი გაქვთ, დაუყოვნებლივ გაიკეთეთ ტესტი და ჰკითხეთ თქვენს ექიმს შესაბამისობაში ხართ თუ არა მკურნალობის კრიტერიუმებთან. გაიგეთ მეტი: www.ncdc.ge (აღნიშნული ვებგვერდი არ ეკუთვნის Pfizer-ს. Pfizer პასუხს არ აგებს ვებგვერდზე არსებული ინფორმაციის შინაარსზე)

Pfizer-ის შესახებ: მიღწევები, რომლებმაც შეცვალა პაციენტების ცხოვრება

„Pfizer-ში ვიყენებთ მეცნიერულ და გლობალურ რესურსებს, რათა ჩავატაროთ ისეთი მკურნალობა, რომელიც ახანგრძლივებს და მნიშვნელოვნად აუმჯობესებს ადამიანების სიცოცხლეს. ძალისხმევას არ ვაკლებთ, რათა სტანდარტის შესაბამისი იყოს ხარისხი, უსაფრთხოება და ჯანდაცვის პროდუქტების მიკვლევის, მათი განვითარების და წარმოების სარგებლიანობა, მათ შორის ინოვაციური მედიკამენტები და ვაქცინები. ყოველდღიურად Pfizer-ის კოლეგები მუშაობენ პარალელურ რეჟიმში, როგორც განვითარებულ, ასევე განვითარებად ბაზრებზე, რათა გააუმჯობესონ და გაუმკლავდნენ ადამიანების ჯანმრთელობასთან, დაავადების პრევენციის ზომებთან და მკურნალობასთან დაკავშირებულ გამოწვევებს, რაც სწორედ დღევანდელ დროში არსებული საშიში დაავადებებისგან არის გამოწვეული.

გათავისებული გვაქვს რა ჩვენი პასუხისმგებლობა, როგორც მსოფლიოს ერთ-ერთი პირველი ინოვაციური ბიოფარმაცევტული კომპანია, ჩვენ მჭიდროდ ვთანამშრომლობთ ჯანდაცვის პროვაიდერებთან, სახელმწიფოებთან და ადგილობრივ ჯგუფებთან, რათა დავეხმაროთ და გავზარდოთ ხელმისაწვდომობა ჯანდაცვის სანდო მომსახურებაზე მთელ მსოფლიოში. 170 წელზე მეტია, ვმუშაობთ იმისათვის, რომ შევქმნათ უკეთესი ცხოვრება მათთვის, ვინც ჩვენ გვენდობა“.

[პარტნიორის კონტენტი]

„თეგეტა მოტორსს“ Groupauto International-ის გლობალური ჯილდო ოფიციალურად გადაეცა

როგორ შევინარჩუნოთ პროდუქტიულობა ხმაურიან ოფისში?