ტრადიციულად, 11-13 სექტემბერს, ბათუმი კვლავ გადაიქცევა რეგიონის კრეატიული ინდუსტრიის ეპიცენტრად, სადაც გაიმართება Ad Black Sea 2025 – ფესტივალი, რომელიც უკვე წლებია რეგიონში დარგის პროფესიონალების ყოველწლიური თავშეყრის ადგილად იქცა. ფესტივალის მედია პარტნიორია marketer.ge. “FireWorks in Creative Resistance” – ასე ჟღერს 2025 წლის მთავარი გზავნილი, რომელიც კრეატიული ენერგიის შენარჩუნებასა და შემოქმედებითი წინააღმდეგობის მნიშვნელობას უსვამს ხაზს. ფესტივალზე 1400-მდე ქართველ და უცხოელ დელეგატს ელიან, რომლებიც სამი დღის განმავლობაში საერთაშორისო ლიდერების გამოსვლებს, პანელურ დისკუსიებს, ვორქშოპებსა და დაჯილდოების ცერემონიას დაესწრებიან.
გაიგეთ, ვინ არიან Ad Black Sea 2025-ის სპიკერები:
ფერნანდო მაჩადო (Fernando Machado) – ბრენდინგის გენიოსი ბრაზილიიდან
ლეგენდარული მარკეტერი, რომელსაც უკავშირდება Burger King-ის, Dove-ის და Call of Duty-ის იკონური კამპანიები. Business Insider-ი მას მსოფლიოში ყველაზე ინოვაციურ მარკეტერად მოიხსენიებს, Forbes-ის მიხედვით, ის მსოფლიოს ყველაზე გავლენიანი მარკეტერების სამეულში შედის, ხოლო Adweek-ი – ბრენდინგის გენიოსს უწოდებს. ფერნანდოს გამოცდილება და შემოქმედებითი ხედვა, უდავოდ, ფესტივალის ერთ-ერთი მთავარი ღირებულება იქნება.
ფერნანდოს გამორჩეული უნარია ბრენდების ფუნდამენტური ღირებულებების გარშემო ისეთი კამპანიების შექმნა, რომლებიც არა მხოლოდ პროდუქტს, არამედ მნიშვნელოვან სოციალურ საკითხებზეც ამახვილებენ ყურადღებას. Ad Black Sea-ზე ის გაგვიზიარებს, როგორ შეიძლება კრეატიულობის გამოყენება ბრენდის ტრანსფორმაციისთვის და როგორ უნდა შეიქმნას კამპანიები, რომლებიც კულტურულ ფენომენებად იქცევიან.
უგო ვეიგა (Hugo Veiga) – კანის ფესტივალის ჟიურის წევრი პორტუგალიიდან
უგო ვეიგა იმ იშვიათ კრეატორთა რიცხვს მიეკუთვნება, რომელთა ნამუშევრებიც თანაბრად აღიარებულია როგორც კომერციულ, ისე საფესტივალო სივრცეში. მისი ნამუშევრები გამოირჩევა ინოვაციური მიდგომებითა და ტექნოლოგიების კრეატიული გამოყენებით. პორტუგალიელმა კრეატორმა იმუშავა ისეთ გლობალურ ბრენდებთან და ვარსკვლავებთან მუშაობისას, როგორებიც არიან Nike, Google, TikTok, ლედი გაგა და ელტონ ჯონი. წელს, კანის ფესტივალზე უგო უმაღლესი ჯილდოს, Titanium-ის ჟიურის წევრად იყო წარდგენილი.
წელს, კანის ფესტივალზე უგო უმაღლესი ჯილდოს, Titanium-ის ჟიურის წევრად იყო წარდგენილი. Ad Black Sea-ის სცენიდან უგო გაგვიზიარებს თავის ხედვას, თუ როგორ უნდა შეიქმნას კამპანიები, რომლებიც კულტურულ კონტექსტში რეზონანსს იწვევენ და ამავე დროს ციფრულ სამყაროში ვირუსულად ვრცელდება. მის პრეზენტაციაში განსაკუთრებული ფოკუსი იქნება იმაზე, თუ როგორ უნდა იმუშაონ ბრენდებმა მომხმარებლებთან ერთად, რათა ავთენტური კომუნიკაცია შექმნან.
სამარ მააკარუნი (Samar Maakaroun) – Pentagram-ის პარტნიორი
სამარის წარმატებული კარიერა მოიცავს თანამშრომლობას ისეთ ცნობილ ბრენდებთან, როგორებიც არიან კულტურული ინსტიტუციები, საცალო ვაჭრობის ბრენდები და ტექნოლოგიური კომპანიები. მისი დიზაინი გამოირჩევა ელეგანტურობით, სიცხადითა და ინოვაციური მიდგომებით.
სამარ მააკარუნი მსოფლიოში ერთ-ერთი ყველაზე პრესტიჟული დიზაინ სტუდიის, Pentagram-ის პარტნიორია. მისი კროსკულტურული გამოცდილება და მრავალფეროვანი პერსპექტივა განსაკუთრებულ სიღრმეს მატებს მის ნამუშევრებს, რომლებიც მოიცავს როგორც ბრენდინგს, ისე ციფრულ დიზაინს, ტიპოგრაფიასა და მულტიმედია პროექტებს.
Ad Black Sea-ზე სამარი ისაუბრებს, თუ როგორ უნდა გამოიყენონ დიზაინერებმა კულტურული კონტექსტი და ადგილობრივი იდენტობა გლობალურ პროექტებში. ის ასევე ისაუბრებს ინკლუზიური დიზაინის მნიშვნელობაზე და იმაზე, თუ როგორ უნდა შექმნან დიზაინერებმა ნამუშევრები, რომლებიც სხვადასხვა აუდიტორიასთან რეზონანსს იწვევენ.
FLOW – ოსკაროსანი ანიმაციის შემქმნელები
ოსკაროსანი ანიმაცია FLOW-ის შემქმნელები პირველად ეწვევიან საქართველოს Ad Black Sea-ის ფარგლებში. ეს ინოვაციური ანიმაცია გამოირჩევა როგორც უნიკალური ვიზუალური სტილით, ისე ღრმა ნარატივით, რამაც კრიტიკოსებისა და მაყურებლის მოწონება დაიმსახურა.
ფესტივალის მონაწილეებს ექნებათ შესაძლებლობა მოისმინონ ამ გამორჩეული პროექტის შექმნის ისტორია. პრეზენტაციაში განხილული იქნება ანიმაციის შექმნის პროცესი, კრეატიული გადაწყვეტილებები და ის ინოვაციური მიდგომები, რომლებმაც FLOW განსაკუთრებულად გამორჩეული გახადა.
რებექა რაუნთრი (Rebecca Rowntree) – AI სპეციალისტი
UN WOMEN-თან პარტნიორობით, ფესტივალი უმასპინძლებს ხელოვნური ინტელექტის სპეციალისტს რებექა რაუნთრის, რომელიც არა მხოლოდ AI-ს ტექნოლოგიური ასპექტების ექსპერტია, არამედ ამ სფეროში გენდერული თანასწორობის აქტიური დამცველიც. მისი გამოკვლევებით, მსოფლიოს AI პროფესიონალებიდან მხოლოდ 22%-ია ქალი, რაც სერიოზულ გამოწვევას წარმოადგენს ციფრული მომავლის ინკლუზიურობისთვის.
რებექას კარიერა მოიცავს წამყვან ტექნოლოგიურ კომპანიებთან თანამშრომლობას, სადაც ის ხელოვნური ინტელექტის ეთიკური და ინკლუზიური განვითარების საკითხებზე მუშაობდა. მისი ინიციატივები მიზნად ისახავს მეტი ქალის მოზიდვასა და მხარდაჭერას AI ინდუსტრიაში.
Ad Black Sea-ზე რებექა წარმოადგენს პრეზენტაციას თემაზე „ხელოვნური ინტელექტი და გენდერული მრავალფეროვნება: როგორ შევქმნათ ინკლუზიური ციფრული მომავალი“. ის განიხილავს, თუ როგორ მოქმედებს ალგორითმების შემქმნელების მრავალფეროვნების ნაკლებობა მათ მიკერძოებაზე და რა ნაბიჯები უნდა გადაიდგას ამ გამოწვევების საპასუხოდ.
ტიმ ლიქი (Tim Leake) – კოლაბორაციის ექსპერტი
25-წლიანი გამოცდილების მქონე პროფესიონალი ტიმ ლიქი, თიბისი ბანკთან პარტნიორობით, ფესტივალზე წარმოადგენს სესიას კოლაბორაციის თემაზე და ჩაატარებს პრაქტიკულ ვორკშოპს სწრაფი იდეების გენერირებაზე. ტიმის კარიერა მოიცავს წამყვან გლობალურ სარეკლამო სააგენტოებში მუშაობას, სადაც ის ხელმძღვანელობდა კრეატიულ გუნდებს და ქმნიდა ინოვაციურ კამპანიებს სხვადასხვა ინდუსტრიის ბრენდებისთვის. მისი განსაკუთრებული ძლიერი მხარეა ეფექტური კოლაბორაციული პროცესების შექმნა, რომლებიც აერთიანებს სხვადასხვა უნარების მქონე პროფესიონალებს გამორჩეული კრეატიული შედეგების მისაღწევად.
ფესტივალზე ტიმი თავის სესიაში განიხილავს, თუ როგორ უნდა გავაუმჯობესოთ კომუნიკაცია და თანამშრომლობა კრეატიულ გუნდებში, როგორ შევქმნათ გარემო, სადაც ინოვაციური იდეები ყვავის. მისი ვორკშოპი „სწრაფი იდეები, დიდი შედეგები“ პრაქტიკული, ინტერაქციული სესია იქნება, სადაც მონაწილეები ისწავლიან ეფექტურ ტექნიკებს იდეების სწრაფად გენერირებისთვის, შეზღუდული დროისა და რესურსების პირობებშიც კი.
რა სიახლეები გელით წლევანდელ ფესტივალზე
წელს პირველად წარმოდგენილი იქნება CREATOR STAGE, სადაც კრეატორებსა და ინფლუენსერ მარკეტინგზე გაიმართება დისკუსიები – მიმართულება, რომელიც თანამედროვე მარკეტინგის განუყოფელ და მნიშვნელოვან ნაწილად იქცა.
გარდა ამისა, ფესტივალის კონკურსი წელს მნიშვნელოვანი სიახლით ბრუნდება: Ad Black Sea-მ შეიძინა ამერიკული The One Club For Creativity-ს საკონკურსო პლატფორმა, რაც ბათუმში და ADCE-ს საკონკურსო პროგრამაში გამარჯვებულ სააგენტოებს, კლიენტებსა და ინდივიდებს The One Club-ის გლობალურ რეიტინგში მოხვედრის შანსს აძლევს.
ფესტივალის ბილეთების შეძენა შესაძლებელია ვებგვერდზე www.adblacksea.com!
