დღეს, 26 მაისს, სპორტული მოვლენების ამსახველი, რიგით მე-7 გამოფენა – „სპორტფოტო 2020″- იმართება. ექსპოზიციაზე წარმოდგენილია 2020 წლის იმ სპორტული მოვლენების ამსახველი ფოტო-კადრები, რომელშიც მონაწილეობა ქართველმა სპორტსმენებმა მიიღეს. გამოფენაზე მისული დამთვალიერებელი, ქართულ სპორტში, 2020 წლის 100 ყველაზე საინტერესო კადრს ნახავს.
გარდა ამისა, გამოიცა „სპორტფოტო 2020“-ის რიგით მე-7 კატალოგი, სადაც „დინამო არენაზე“ გამოფენილი ფოტოების გარდა, კიდევ რამდენიმე ათეული საინტერესო კადრია შესული.
„კომპანია „აჭარაბეთი“, როგორც სპორტის მხარდამჭერი კომპანია, „სპორტფოტო 2020“-ის პარტნიორი გახდა. „სპორტფოტო“ – ეს არის პროექტი, რომელიც თანამედროვე სპორტულ ისტორიას ინახავს. სწორედ ამიტომ, მსგავსი პროექტების არსებობა ძალიან მნიშვნელოვანია“, – ამბობს „აჭარაბეთის“ საზოგადოებასთან ურთიერთობის დეპარტამენტის ხელმძღვანელი ნინი გუჯაბიძე.
[პარტნიორის კონტენტი]
