in

Advertwise-ის ქეისი GPI-ს ონლაინ დაზღვევის პორტალის შესახებ

ჯიპიაი ჰოლდინგი სადაზღვევო ბაზრის ერთ-ერთი ლიდერია და მის 23%-ს აკონტროლებს. კომპანიას ჯანმრთელობის დაზღვევის მიმართულებით უკვე 240 000-მდე დაზღვეული ჰყავს, რომელთაც 12 საავადმყოფო ემსახურება 12 რეგიონში. ჯიპიაი ჰოლდინგი გამოირჩევა ინოვაციური გადაწყვეტილებებით და მრავალ სიახლეს სთავაზობს თავის მომხმარებელს. 2006 წლიდან “ჯიპიაი ჰოლდინგი” ევროპის ერთ-ერთი უმსხვილესი სადაზღვევო კომპანიის, “ვენის სადაზღვევო ჯგუფის” წევრი გახდა.

pasha-statiebi
pasha-statiebi

2016 წლიდან „ჯიპიაი ჰოლდინგი“ მომხარებელს ონლაინ დაზღვევის სერვისებს სთავაზობს, რაც ახალი სიტყვა და წინ გადადგმული ნაბიჯია ქართულ ბაზარზე. დაზღვევის თითქმის ყველა პროდუქტის შეძენა სახლიდან ან ოფისიდან გაუსვლელად არის შესაძლებელი, რაც მთავარია, სწრაფად და მარტივად. შესაძლოა ძნელი წარმოსადგენია, მაგრამ მსურველებს შეუძლიათ ონლაინ რეჟიმში შეიძინონ სიცოცხლის დაზღვევაც კი. დაზღვევის ონლაინ ყიდვა უკვე საკმაოდ პოპულარულია თითქმის ყველა განვითარებულ ქვეყანაში, რადგან მას აქვს შემდეგი ძირითადი უპირატესობები:

• სისწრაფე

• კომფორტი

• უფრო დაბალი ტარიფი

დეტალები ონლაინ დაზღვევის შესახებ ნებისმიერ მსურველს შეუძლია იხილოს პორტალზე Mygpih.ge. აქ კი განვიხილავთ ქეისს, რომელიც სწორედ ამ პროექტის ინტერნეტ მარკეტინგულ კამპანიას შეეხება. როგორც უკვე ვიცით ინტერნეტ მარკეტინგული კამპანიის ყველაზე დიდი უპირატესობა მდგომარეობს იმაში, რომ ის არის დათვლადი და საშუალებას იძლევა ROMI იყოს მაღალი, ანუ გაყიდვებმა ბევრად გადააჭარბოს მარკეტინგში ჩადებულ ინვესტიციას. როგორ ხდება ეს? მარტივად, რადგან საქმე ეხება ინტერნეტს და შესაძლებელია ინდივიდუალურად თითოეული ინტერნეტ მარკეტინგული აქტივობის წყაროდან მომხარებლის ქმედების და მიზნის განსაზღვრა, ასევე მონიტორინგი იმისა შეასრულა თუ არა მომხარებელმა ეს მიზანი. ამასთანავე, მნიშვნელოვანია სწორად იყოს შერჩეული ყველა ის მედია პლათფორმა რომლის საშუალებითაც მოხდება ამ მიზნის შესრულებაზე აქტიური მუშაობა და განისაზღვროს სწორი სეგმენტი. დღესდღეობით საქართველოში 2 მილიონზე მეტი ინტერნეტ მომხმარებელია და მათი სეგმენტირება დიდ როლს თამაშობს წარმატების მიღწევაში.

Mygpi.ge-ს შემთხვევაში მომხმარებლის შესრულებული მიზანი რა თქმა უნდა იყო დაზღვევის პოლისის შეძენა, ჩვენ დავსახეთ მედია გეგმა და დავიწყეთ დათვლა: პირველ რიგში, ჩვენი ამოცანა იყო „სწორი“ სეგმენტის განსაზღვრა თითოეული პროდუქტისთვის, რაც ითვალისწინებს მომხმარებლის ლოკაციას, ასაკს, ინტერესებს და სხვა ფაქტორებს. რაც შეეხება მიზნებს, იმის გამო რომ GPI-ს სადაზღვევო პროდუქტების დიდი არჩევანი აქვს, რა თქმა უნდა ერთი გაყიდვის ასახვა Google Analytics – ში არ იყო საკმარისი, ამიტომ ყველა პროდუქტს სათითაოდ მიენიჭა მიზნი და თითოეულ მიზანს თაისი ნომერი.ეს უკვე საშუალებას გვაძლევდა სათითაოდ ყველა წყაროდან დაგვენახა თუ რომელი პროდუქტი იყიდებოდა და რა რაოდენობით.

ამასთანავე, Google Analytics საშუალებას გვაძლებდა გაგვეანალიზებინა მომხმარებლის ქცევა, თუ რა სთეფებს გადიოდა ყიდვის დასრულებამდე ან/და რა ადგილას წყვეტდა აქტივობას, რაც საიტის ოპტიმიზაციისთვის საჭირო ინფორმაციას გვაძლევდა.

ზემოთ ჩამოთვლილი ფაქტორების განსაზღვრის შემგდომ დადგა დრო ეფექტურად აგვერჩია ყველა ის მედია პლათფორმა სადაც დავიწყებდით მომხმარებლისთვის სწორი მესიჯებითა და ვიზუალებით მიგვეწოდებინა ამ უნიკალური პლათფორმის შესახებ ინფორმაცია.

Value ანუ პროდუქტის ღირებულება

სწორი მარკეტინგული ინვესტიციის გასაზაღვრად საჭირო იყო სამი მნიშვნელოვანი პარამეტრისთვის თვალყურის დევნება:

• რეკლამის წყარო, თუ საიდან გადმოდიოდა მომხარებელი. მაგალითად: Google, Facebook, ლოკალური მედია და ა.შ;

• რომელი დაზღვევით ინტერესდებოდა მომხმარებელი და რომელ პოლისს იძენდა.

• რა ღირებულება ჰქონდა პროდუქტს, ანუ მაქსიმალური თანხა, რომლის დახარჯვაც ჩვენ შეგვეძლო 1 დაზღვევის გაყიდვაში;

როგორც მიხვდით ეს საშუალებას გვაძლევდა ბიუჯეტები ოპტიმალურად გაგვენაწილებინა წყაროების მიხედვით. 

მაგალითად: თუ Facebook-ის წყაროდან გადმოსული მომხმარებელი კონკრეტულ პერიოდში ძირითადად ყიდულობდა ჯამრთელობის დაზღვევას და ავტო დაზღვევას, რა თქმა უნდა სწორი იქნებოდა Facebook-ზე ბიუჯეტის გადანაწილება ამ ორ პორდუქტზე. მაგრამ ამას გარდა აქ აუცილებლად იყო საჭიროება ყურადღება მიგვექცია მესამე კრიტერიუმისთვისაც (ღირებულება) და გვენახა აჭარბებდა თუ არა რეკლამაში დახარჯული თანხა იმ ღირებულებას, რომელიც ჩვენთვის იყო მისაღები. მაშ ასე, ჩვენ უკვე ყოველდღიურად ვიცოდით რომელი წყარო გვიყიდიდა ყველაზე კარგად პროდუქტს, რომელი წყარო ყიდიდა ამა თუ იმ პროდუქტს საუკეთესოდ, და რომელი წყარო გვიყიდიდა პროდუქტს ყველაზე იაფად. თუმცა:

მიზნების „ბილიკი“ ნებისმიერი მომხარებელი პროდუქტის შეძენისას გადის კონკრეტულ ნაბიჯებს მიუხედავად იმისა თუ სად ახორციელებს ყიდვას, ადგილზე თუ ონლაინში. როდესაც ჩვენ ვყიდულობთ ვაშლს, მივდივართ ხილის დახლთან – ვიღებთ ვაშლებს – ვაფასებთ ვიზუალურად – ვირჩევთ ჩვენთვის საუკეთესოებს – ვწონით – მივდივართ მოლარესთან – ვიხდით. თითოეულ ნაბიჯის დროს შეიძლება ჩვენი გადაწყვეტილება შეიცვალოს და საბოლოო ნაბიჯამდე ვერ მივიდეთ, ანუ არ შევიძინოთ პროდუქტი. მაგალითად: შეიძლება ვიზუალურად შეფასების ნაბიჯის დროს არ მოგვეწონოს ვაშლი და გადავწყვიტოთ რაიმე სხვა ხილის ყიდვა ან უბრალოდ წავიდეთ სხვა მაღაზიაში იმისთვის, რომ ავირჩიოთ უკეთესი. ასევე ხდება დაზღვევის ყიდვისასაც, მაგრამ ამ შემთხვევაში უფრო ფრთხილები ვართ და დეტალურად ვაფასებთ თითოეულ ნაბიჯს, სანამ მივიღებთ გადაწყვეტილებას შეძენაზე.

შეძენის დაწყებიდან დასრულებამდე მომხარებელი გადის რამდენიმე მარტივ ნაბიჯს:

• ირჩევს პაკეტს;

• კითხულობს პირობებს;

• აწვება შეძენის ღილაკს;

• ავსებს პირად მონაცემებს;

• იხდის პლასტიკური ბარათით;

დაა, გილოცავთ თქვენ შეიძინეთ დაზღვევა!

ყიდვის დაწყებიდან გადახდის ეტაპამდე მიდის მხოლოდ მომხარებლების გარკვეული რაოდენობა. ჩვენ ავსახავდით თუ რომელ ნაბიჯს რამდენი პროცენტი აკლდებოდა და საბოლოოდ რამდენი ასრულებდა პროცესს.

ჯი პი აი ჰოლდინგისთვის ყველა მომხარებელი მნიშვნელოვანია. ამიტომ რა თქმა უნდა თუ მომხარებელი რომელიმე ნაბიჯზე ჩერდებოდა და არ აგრძელებდა ყიდვის პროცესს, კაომპანია ხარჯავდა დეველოპმენტის რესურსს და მუშაობდა მომხმარებლის შეჩერების მიზეზი და კონკრეტულ ნაბიჯში არსებული სირთულე აღმოეფხვრა. 
 ნაბიჯების მონიტორინგი და მათ გაუმჯობესებაზე მუშაობა იმის საშუალებას გვაძლევდა, რომ გაგვეზარდა კონვერსიის რეიტი, ანუ რეკლამიდან გადმოსული ადამიანების და მათ მიერ შეძენილი პროდუქტის თანაფარდობა ყოფილიყო მაღალი.

სტრატეგიული მოგზაურობა

ამას გარდა, ონლაინ მარკეტინგი ყველა საშუალებას იძლევა, რომ კონკრეტული რეკლამის წყაროზე შეასრულო მარკეტინგში არსებული სამი ყველაზე მნიშვნელოვანი კომპონენტი: ამ აუცილებელი კომპონენტების შესრულება რა თქმა უნდა იდეალურად არის შესაძლებელი Facebook-ის, Google-ის და YouTube – ის წყაროზე. ეს სტრატეგია საშუალებას გაძლევს, მომხმარებლის შეწუხების ნაცვლად, იზრუნო მასზე. დიახ, ასეც ხდება – მარკეტინგით მომხარებელზე ზრუნვა შესაძლებელია.

მომხარებელს ირჩევთ ინტერესების მიხედვით, რაც “most likely“ საშუალებას გაძლევთ სწორად იპოვოთ ის მომხარებელი რომელიც გჭირდებათ, გააყოლოთ მას რეკლამა ანუ შეახსენოთ თქვენი თავი. თუ ეს პროდუქტი ახალია, გაქვთ შესაძლებლობა ასწავლოთ თუ როგორ მოიხმაროს ის, ყველაზე კარგ შემთხვევაში კი ეს მიიღწევა ვიდეოს საშუალებით.

ზემოთ ჩამოთვლილი სტრატეგიებითა და ონლაინ მარკეტინგული ხერხებით, MyGPI.ge გახდა პლათფორმა, დაზღვევის შესაძენად, თანამედროვე ადამიანებისთვის. რომელიც სთავაზობს თავის მომხმარებელს ყველაზე კომფორტულ დაზღვევის სერვისებს, დაწყებული ყიდვიდან დამთავრებული ზარალის ანაზღაურებამდე, ყველა სერვისი ერთ ონლაინ სივრცეში მარტივად. კომპანია Advertwise კიდევ შემოგთავაზებთ საინტერესო ქეისებს იმაზე რომ ონლაინ მარკეტინგი არ არის მხოლოდ ბანერების „ჩაშვება“ და მისი სწორი გამოყენებით შესაძლებელია ბევრი წარმატების მიღწევა.



შემცირებაში მოყოლილი პედაგოგის სტარტაპი – ნახევარფაბრიკატების საწარმო N.A.

ქართველი „მავერიკები“ – ნიკოლოზ ლეკვეიშვილი