ინტერნეტში Agatha All Along-ის ოფიციალური თრეილერი გამოჩნდა. Marvel-ის სერიალის პრემიერა მომდევნო ჰელოუინზე იგეგმება და, როგორც გვპირდებიან, აგატას პერსონაჟი, რომელსაც Emmy-ზე ნომინირებული კეტრინ ჰანი ასრულებს, ბევრი იდუმალებითა და ჯადოქრობით იქნება შემოსილი.
საშინელებათა ჟანრის, მაგრამ ამასთანავე კომედიური თრეილერი გვიჩვენებს, რომ აგატას ერთი შეხედვით ჩვეულებრივი ცხოვრება აქვს, მაგრამ მის სხეულში დიდი ჯადოქრის თვისებებია გამომწყვდეული.
სერიალის საპილოტე ეპიზოდს ხელმძღვანელობდა ჟაკ შეფერი, რომელმაც აღიარება WandaVision-ზე მუშაობისთვის მოიპოვა. შთამბეჭდავი ქასთი კი, რომელთა შორის პეტი ლუპონი და ობრი პლაზა არიან, უფრო მეტ მიმზიდველობას მატებს მომაჯადოებელ ნარატივს.
Agatha All Along-ის პრემიერა 2024 წლის 18 სექტემბერს არის დაგეგმილი. სერიალი ცხრა ეპიზოდისგან შედგება, რომელთაგანაც პირველი ორი პრემიერის დღეს გამოჩნდება ეკრანებზე.
