World Labs-მა, უნიქორნმა AI სტარტაპმა, რომლის ღირებულება 1 მილიარდ დოლარს აღემატება, წარადგინა ახალი ხელოვნური ინტელექტი, რომელსაც ნებისმიერი სურათის 3D სამყაროდ გარდაქმნა შეუძლია. ახალი AI სისტემა მუშაობს სურათის 3D გეომეტრიის მიახლოებითა და სცენის შევსებით, რათა მეტი სანახაობა შეიქმნას. AI სხვადასხვა მხატვრულ სტილსა და სცენას ერგება.
შედეგი სრულად ინტერაქციულია, ამიტომ მაყურებლებს შეუძლიათ 3D სცენები ისე დაათვალიერონ, თითქოს მათში იმყოფებიან მოძრავი კამერით. მათ შეუძლიათ მიახლოება, დაშორება და სივრცეში გადაადგილება.
სტარტაპის თქმით, GenAI ინსტრუმენტების უმრავლესობა ქმნის 2D კონტენტს, როგორიცაა სურათები ან ვიდეოები. 3D გენერირება კი აუმჯობესებს კონტროლსა და თანმიმდევრულობას. ეს შეცვლის იმას, თუ როგორ ვქმნით ფილმებს, თამაშებს, სიმულატორებს და ჩვენი ფიზიკური სამყაროს სხვა ციფრულ გამოვლინებებს. მართალია World Labs არ არის პირველი, ვინც ამ სფეროს იკვლევს, მაგრამ TechCrunch-ის თანახმად, ის პირველია, ვინც თავისი 3D სამყაროები შესასწავლი გახადა. მაყურებლებს შეუძლიათ AI-ის მიერ შექმნილ სცენებთან ურთიერთობა World Labs-ის ვებსაიტის საშუალებით.
ერთ-ერთ დემონსტრაციაში World Labs მაყურებლებს ედვარდ ჰოპერის 1942 წლის ნახატში Nighthawks ამოგზაურებს. რამდენიმე დაწკაპუნებით, მაყურებლებს შეუძლიათ თავისუფლად იმოძრაონ ნახატის მიერ შექმნილ სამყაროში. სხვა დემოში, კონტენტის შემქმნელი და ანიმატორი ერიკ სოლორიო აჩვენებს, თუ როგორ იყენებს ტექნოლოგიას 3D გარემოსა და სცენების სწრაფად შესაქმნელად.
World Labs აცხადებს, რომ AI-ის მიერ გენერირებული სურათები შეიძლება გამოიყენოთ 3D სივრცეების შესაქმნელად, ხოლო მთელი პროცესი სურათიდან თვით სამყარომდე, შეიძლება იყოს AI-ის მიერ გენერირებული.
მიუხედავად იმისა, რომ ეს დემოები არის კომპანიის თქმით “პირველი ადრეული წინასწარი ჩვენება” იმისა, თუ რისი გაკეთება შეუძლია მის ტექნოლოგიას, გუნდი მუშაობს გენერირებული სამყაროების უფრო დიდი და ფორმის უფრო შესაბამისი გახდაზე. კომპანიას იმედი აქვს, რომ მისი პირველი პროდუქტი მზად იქნება მომავალი წლის განმავლობაში.
წყარო: entrepreneur
