in

რატომ ვერ უმკლავდება ამჟამინდელი AI კრეატიულ ამბის თხრობას?

ზრდასრული ადამიანი ყოველდღიურად ასობით და ათასობით გადაწყვეტილებას იღებს, რასაც საჭირო ინფორმაცია თუ მონაცემები სჭირდება — მხოლოდ მათი გადამუშავების საფუძველზე ვახერხებთ შესაბამისი დასკვნის გამოტანას. ანალოგიურის თქმა შეიძლება ხელოვნურ ინტელექტზე: ტექნოლოგია კონკრეტული რაოდენობის ინფორმაციას ამუშავებს, რაც ზოგჯერ საკმარისი არ არის. ამიტომაც, უკეთესი მონაცემთა ნაკრების შემუშავება გვჭირდება, რათა AI-მ მაღალ დონეზე შეასრულოს თავისი საქმე.

ალბათ, ეს დასკვნა საკმაოდ მარტივად ჟღერს, მაგრამ რეკლამის სფეროში მომუშავე პროფესიონალებისთვის მონაცემთა ნაკრები ან საერთოდ არ არსებობს, ან უარეს შემთხვევაში AI ყოველ ჯერზე ერთსა და იმავე ინფორმაციას ამუშავებს. შესაბამისად, ეს იწვევს არაეფექტურ, არაავთენტურ თუ არასწორ შედეგებს. მსგავსი შემთხვევა შეიძლება სავალალოც აღმოჩნდეს რეკლამისთვის — თანაც მნიშვნელობა არ აქვს, რომელი ბრენდი იდგება კამპანიის მიღმა.

კიდევ ერთი ფაქტორი, რომელსაც კამპანიის დაზარალება შეუძლია, სარფიანობის ეფექტურობაზე წინ დაყენებაა. მიუხედავად იმისა, რომ შემოსავალი და მატერიალური სარგებელი მნიშვნელოვანია, რეკლამის ირიბი ეფექტურობა საკვანძო როლს ითავსებს — მაგალითად, გუგლის ოპტიმიზაციის სისტემა კლიკების რაოდენობას ეყრდნობა, რაც პლატფორმებისთვის სასარგებლოა, ბრენდებისთვის კი ზიანი მოაქვს.

რამდენიმე თვის წინ კი სწორედ Google-მა ისაუბრა უახლესი ინიციატივის შესახებ, სახელწოდებით „novel ads“. როგორც კომპანია განმარტავს, სისტემას მარკეტერებისა და კრეატივების მიერ შექმნილი კონტენტით გამოკვებავენ (ფოტოებით, ვიდეოებითა და ტექსტებით), ხელოვნური ინტელექტი კი მათი სინთეზის საფუძველზე ახალ მასალას შექმნის.

ამის ფონზე ექსპერტები შიშობენ, რომ კამპანიების რეალური ღირებულებები დაიკარგება:

  • რამდენად მნიშვნელოვანია?
  • რამდენად კარგადაა ნარატივი აგებული?
  • რამდენად ემოციური იყო?
  • სხვა რეკლამებისგან განსხვავებულია?
  • გამორჩეულია?

ალბათ, ეს ვარაუდი იმ ფაქტს ეყრდნობა, რომ ხელოვნური ინტელექტის ხელსაწყოს მიერ წარმოებული კონტენტი მონაცემების ძალიან შეზღუდულ პალიტრაზე იქნება დაფუძნებული; ასევე, ძირითადი აქცენტი გაკეთდება ისეთ დეტალებზე, როგორებიცაა ლოგო და ფასი, რაც რეალური ეფექტურობის აღქმას შეუშლის ხელს. „როდესაც სპეციალურ AI ინსტრუმენტებს ქმნიან, რომლებიც რეკლამისთვისაა განკუთვნილი, ინდუსტრიის მომავალზე ზრუნავენ. უბრალოდ, უნდა გაითვალისწინონ, რომ მეტი შემოქმედებითი მონაცემის გამოყენება იქნება საჭირო, რათა ყველაფერი ერთფეროვანი, მოსაბეზრებელი და პრიმიტიული არ გახდეს“, — აღნიშნავს მარკ ფილიულო, FIG სააგენტოს დამფუძნებელი და კრეატიული თავმჯდომარე.

ასევე, მარკის თქმით,ჩვენ ჯერ კიდევ იმ ეტაპზე ვართ, როდესაც AI და რეკლამა რეგულირების ძალიან განსხვავებულ სტადიაზეა. პირველი საერთოდ არ არის რეგულირებული, მეორე კი ძალიან რეგულირდება საკუთარი სტანდარტებით.

ვებსაიტის რამდენი კატეგორია არსებობს და როგორ უნდა შეარჩიოთ თქვენს საქმეზე მორგებული ტიპი

McDonald’s-მა თავისი პროდუქტები საზაფხულო აქსესუარებად აქცია