ცოტა ხნის წინ გავიგეთ, რომ Google-ს, OpenAI-ს, Anthropic-სა და Meta-ს, Apple შეუერთდა, რაც ყველაფერთან ერთად, იმასაც ნიშნავს, რომ ახალი AI ლოგო გააცნეს მომხმარებლებს — Apple Intelligence ერთმანეთში გადახლართული 7 კვანძის მქონე მრგვალი ფორმითაა წარმოდგენილი თუ წრედ ჩავთვალოთ, რომელზეც უსასრულობის სიმბოლოებია დატანილი? რეალურად ზუსტი პასუხი ამ კითხვებზე ჯერ არავის აქვს.
ზოგადად, ინდუსტრიაშიც კი არ იციან, როგორ უნდა გამოიყურებოდეს ხელოვნური ინტელექტი. თან არც არაფერს ჰგავს… ჯერჯერობით კი ადამიანებს იმ დონეზე სჭირდებათ მათი ნახვა, რა დონეზეც მინიშნებას შეძლებს, რომ მანქანური სწავლების მოდელთან აქვთ საქმე. მართალია, ამ ყოვლისმომცველი ინტელექტის ბრენდირების მიდგომები განსხვავდება, მაგრამ ყველა ერთი იდეის გარშემო ტრიალებს, რომ AI ავატარი, არც საშიში უნდა იყოს და არც აბსტრაქტული, შედარებით მარტივად უნდა გვესახებოდეს და ადამიანების მახასიათებლებიც ჰქონდეს.
აღნიშნული კი საპირისპიროა იმისა, რასაც ძველი AI ნიშნები გვთავაზობდა, პატარა რობოტებს ჰგავდა, ჯადოქრის ქუდებითა და მაგიური სიტყვებით… თუმცა ამის პარალელურად, დღეს ბევრი ხელოვნური ინტელექტის ყველაზე ძლიერ ხედვად OpenAI-ს შავ წერტილს თვლის. შემდგომ ასახელებენ Microsoft-ის Copilot-ის ლოგოს, რომლის აღწერასაც თითქმის იგივე ძალისხმევა სჭირდება, რაც თავად AI-ს.
თუ დავაკვირდებით, 6-დან 4 ტკბილეულის სასიამოვნო ფერებს იყენებს, მხიარულსა და ფემინურს, ზოგჯერ ბავშვურსაც კი. რბილ გადასვლასაც გვთავაზობენ იასამნისფერსა და ფირუზისფერში, უფრო პასტელურ და არა, მკვეთრ ფერებს რბილი დაუსრულებელი ფორმებით. თუმცა Perplexity-სა და Google-ს მკვეთრი კიდეები აქვს, თუ ერთი უსასრულო ხედვას გვთავაზობს, მეორე ბედნიერ სიმეტრიულ ვარსკვლავს გვაცნობს. მთლიანობაში მეგობრობის, ღიაობისა და პოტენციალის ასახვა სურთ.
საინტერესოა, რომ პირდაპირ AI გახლავთო, ამას ვერცერთი ბრენდი ეუბნება მომხმარებლებს, რასაც მაგალითად ელ.ფოსტების აპლიკაციების შემთხვევაში მშვენივრად ახერხებენ თუნდაც წერილის ან ქაღალდის თვითმფრინავის ჩვენებით. თუმცა ისიც უნდა ითქვას, რომ ხელოვნური ინტელექტი ჯერ ახალია მომხმარებლებისთვის…
მიუხედავად ამისა, კომპანიებს მაინც უწევთ მისთვის სახელის დარქმევა და „სახის“ მიცემაც. მომხმარებლებისკენ რომ გავიხედოთ, ზოგი GPT ვერსიების ახალ ციფრებს უარყოფს და ChatGPT ურჩევნია, ზოგიც Bard-ს Gemini-ს ამჯობინებს. აქ კი ახლა Apple ჩნდება, რომელიც მომხმარებლებს ჯერ Siri-სთან დაკავშირებას სთავაზობს, შემდეგ კი Apple Intelligence-თან წვდომას, რაც ეკრანზე ორი განსხვავებული ლოგოს არსებობას ნიშნავს. შემდეგ იმასაც ანიშნებს, რომ AI უსმენს და ამას ეკრანზე მბრუნავი ფერებით ახერხებენ.
გამოდის, სანამ ხელოვნური ინტელექტის კარგ განსაზღვრებას მივიღებთ, კვლავ გავხდებით მრავალფეროვანი ნიშნულებისა და ლოგოების მოწმე, რომლებიც ცოტათი ბუნდოვანი და აბსტრაქტულია. აქ კი საინტერესოა, არსებული ლოგოებიდან თქვენთვის რომელი ასახავს უკეთ ხელოვნურ ინტელექტს? Apple-ის ფერადი ლოგო თუ OpenAI-ს შავი ხვრელი?
