მომხმარებელზე შთაბეჭდილების მოსახდენად, რა მოგიფიქრებიათ? წარმოიდგინეთ, გამოდიხართ შენობიდან და ხედავთ ბანერს, რომელიც პირდაპირ თქვენ გელაპარაკებათ… სწორედ ასეთი ამბავი დაიწერა საბურთალოზე და სითი მოლის წინ ბანერი გამოჩნდა, წარწერით: „ჩვენ გვიყვარს თქვენი მულტიფუნქციური სავაჭრო ცენტრი და მისი დაზღვევა გვინდა – მრავალფეროვანი სურვილებით, ალფა“. მართლაც, სადაზღვევო ბაზარზე მსგავს ღია გზავნილს ყოველდღე ვერ შეხვდებით.
როგორც ჩანს, ამ გზავნილით, ალფა დაზღვევამ გადაწყვიტა გულწრფელად ესაუბრა პოტენციურ დამკვეთთან, სითი მოლთან და მისთვის ხმა პირდაპირ ასე მიეწვდინა. ზოგჯერ მნიშვნელოვან დამკვეთზე შთაბეჭდილების მოსახდენად, ასეთი თამამი განაცხადიც კმარა. თქვენ როგორი რეაქცია გექნებოდათ?
