Aluvinum wines ახლად შექმნილი ესპანური კომპანიაა, რომელმაც გადაწყვიტა, ღვინის პროდუქცია ალუმინის ქილის სახით წარმოედგინა და ამისათვის დიზაინის სააგენტოს, Puigdemont Roca-ს მიმართა. ბრენდი გეგმავს, ქილის ღვინო გაიტანოს, როგორც ესპანეთის, ასევე აშშ-ს ბაზარზე. მართალია, ამერიკის შეერთებულ შტატებში ბევრი სხვა ბრენდი აწარმოებს ღვინოს მსგავსი შეფუთვით, თუმცა ესპანეთისთვის ეს ნამდვილად დიდი სიახლეა.
“რადგანაც მომხმარებლები არ არიან გათვიცნობიერებულნი ამ ტიპის ფორმატში, ერთ-ერთ დაბრკოლებას ჩვენთვის ხალხის დარწმუნება წარმოადგენდა, რომ ქილაში ღვინოა და არა იზოტონური სასმელი. ჩვენ ნათლად და ზუსტად უნდა გვეთქვა ეს.” – ამბობენ დიზაინერები.
დიზაინის კონცეფცია ტრადიციული პროდუქტის ამჟამინდელ ფორმატში გამოკვეთის გარშემო ტრიალებს. საინტერესოა, რომ ქილის ვიზუალურ გადაწყვეტას, ბროლის ჭიქებში ჩამოსხმულ ღვინოს, ფუნქციური დატვირთვაც აქვს – მისი მეშვეობით, მომხმარებელი სხვადასხვა ჯიშის ღვინოს დიფერენცირებას ახდენს.
რაც შეეხება ფონტს, როგორც დიზაინერები ამბობენ, სიმარტივის, უბრალოებისა და “მუდმივობის” მისანიჭებლად, Helvetica გამოიყენეს.
