Amazon-მა გენერაციული ხელოვნური ინტელექტის ახალი ინსტრუმენტი წარადგინა, რეკლამის მწარმოებლებისთვის, რომელიც პროდუქტის სურათიდან ქმნის ვიდეოს. გამყიდველები აჭერენ ღილაკს „ვიდეოს გენერაცია“ და რამდენიმე წუთში გენერაციული ხელოვნური ინტელექტის გამოყენებით Amazon ქმნის ექვსიდან ცხრა წამამდე ხანგრძლივობის, მაღალი გარჩევადობის ვიდეოს (720p რეზოლუციითა და 24 კადრით წამში). ვიდეო იყენებს პროდუქტის სურათსა და ტექსტს და ქმნის სხვა გამოსახულების ელემენტებს, რომლებიც შთაგონებულია პროდუქტითა და მისი დეტალებით.
რეკლამის მწარმოებლებს ეს ვიდეო შეუძლიათ გამოიყენონ დასპონსორებული ბრენდის კამპანიებისთვის. Amazon სთავაზობს ამ ფუნქციას რეკლამის მწარმოებლებს დამატებითი ხარჯების გარეშე, რაც გამყიდველებს კიდევ ერთ მიზეზს აძლევს გაყიდონ და გააკეთონ რეკლამა ამ მარკეტფლეისზე.
ვიდეოს მთავარი უპირატესობა არის პროდუქტის გაცოცხლება და მყიდველებისთვის მეტი ინფორმაციის მიწოდება პროდუქტის შესახებ, რაც დაეხმარება მათ კონვერსიაში ონლაინ რეჟიმში მაღაზიაში წასვლის ნაცვლად.
ეს ვიდეო ინსტრუმენტი აუცილებლად დაეხმარება მომხმარებელს ინფორმირებაში. ასევე შეიძლება გახდეს მონაცემთა შეგროვების ინსტრუმენტი რეკლამის მწარმოებლებისთვის, რათა შეისწავლონ, რომელი ტიპის პროდუქტებზე უყურებენ მყიდველები ვიდეოებს, სად აჩერებენ ვიდეოს, სად ახვევენ უკან, და რომელი მათგანი ასტიმულირებს კონვერსიას.
ახალი AI ფუნქცია ბეტა ტესტირებას გადის და მხოლოდ ზოგიერთი აშშ-ის რეკლამის მწარმოებლისთვის არის ხელმისაწვდომი. Amazon განავითარებს ფუნქციას უკუკავშირის საფუძველზე, სანამ მას მეტი რეკლამის მწარმოებლისთვის გამოუშვებს მომდევნო რამდენიმე თვეში.
ამას გარდა, Amazon-მა წარადგინა სხვა ფუნქციებიც, რომლებიც გენერაციული ხელოვნური ინტელექტითაა გამყარებული. მათ შორის, ფუნქცია სახელწოდებით Live Image, რომელიც ანიმაციად აქცევს სურათის ნაწილს, მაგალითად, ჭიქიდან ამომავალ ორთქლს. Image generator ხელმისაწვდომია გამყიდველებისთვის აშშ-ში, მექსიკაში, საფრანგეთში, გერმანიაში, იტალიასა და ესპანეთში.
ივლისში Amazon-მა ასევე გამოუშვა გენერაციული AI ჩატბოტი პროდუქტის დეტალების გვერდებზე, რომელიც პასუხობს პროდუქტის შესახებ კითხვებს პროდუქტის ჩამონათვალში, მომხმარებელთა მიმოხილვებში და კითხვა-პასუხის სექციაში არსებულ ინფორმაციაზე დაყრდნობით.
წყარო: mcmarketeronline
