საქართველოში ავტომობილის უსაფრთხოებაზე ზრუნვა ხშირად საბურავებით, სამუხრუჭე სისტემითა და სხვა ავტონაწილებით შემოიფარგლება. თუმცა, ყველაზე ძვირფასი მგზავრის უსაფრთხოება ხშირად ყურადღების მიღმა რჩება. მიუხედავად იმისა, რომ სწორად შერჩეული და დამაგრებული სამგზავრო სავარძელი ბავშვის მძიმე დაზიანების რისკს 71-82%-ით ამცირებს, ბევრი მშობელი მას ჯერ კიდევ არასავალდებულო აქსესუარად აღიქვამს.
სწორედ ამ პრობლემაზე ცნობიერების ასამაღლებლად, საქართველოს საკომუნიკაციო სააგენტოების ასოციაციის (ACAG) პრინტის კონკურსის ფარგლებში, „ამბოლმა“ სააგენტოებს სპეციალური ბრიფი შესთავაზა. კონკურსის მიზანი იყო ისეთი პოსტერების შექმნა, რომლებიც მშობლებს შეახსენებდა, რომ სამგზავრო სავარძელი ბავშვის უსაფრთხო მგზავრობის ერთ-ერთი აუცილებელი წინაპირობაა და მისი გამოყენება ავტომობილის უსაფრთხოების ისეთივე მნიშვნელოვანი ნაწილია, როგორც ნებისმიერი სხვა ავტოპროდუქტი.
კონკურსი უკვე დასრულდა და ცნობილია რჩეული ნამუშევრებიც. აღსანიშნავია, რომ ამ შეჯიბრში მოპოვებული ქულები ტრადიციულად აისახება ACAG-ის სააგენტოების წლიურ რეიტინგში.
ჟიურის გადაწყვეტილებით, საპრიზო ადგილები სააგენტოებს შორის შემდეგნაირად გადანაწილდა:
-
პირველი ადგილი: Quick
-
მეორე ადგილი: Redberry
-
მესამე ადგილი: McCann Tbilisi
ამასთანავე, გამოვლინდა უშუალოდ დამკვეთის სიმპათიაც – კომპანია „ამბოლის“ რჩეული Quick-ის მიერ მომზადებული ნამუშევარი გახდა.
აქვე, შეგიძლიათ დაათვალიეროთ ყველა ნამუშევარი და სურვილის შემთხვევაში, მაღალი რეზოლუციით ამ ბმულიდან გადმოწეროთ.
მონაწილე სააგენტოების სრული რეიტინგი:
აქვე, შეგიძლიათ დაათვალიეროთ საკონკურსო პოსტერები. განლაგებულია შემთხვევითობის პრინციპით.
Windfor’s Tbilisi
Redberry
McCann Tbilisi
FCB Artgroup Tbilisi
Eleven
Betterfly
Quick
Maverik
Kraken
Saatchi&Saatchi Tbilisi
