Leavingstone-ელ ანანო მიმინოშვილს 2015 წლის ევრობესთიდან ვიცნობთ, სადაც გიორგი ავალიანთან ერთად, საუკეთესო კამპანია შექმნა სექსუალური ძალადობის წინააღმდეგ. ამჯერად, მის პრინტ პროექტს გთავაზობთ, რომელიც მსოფლიოს უძველეს მაიმუნებს ასახავს. ეს პრიმატები მაიმუნების კატარინის ოჯახის წარმომადგენლები არიან და ძირითადად, აზიასა და აფრიკაში ბინადრობენ, ტროპიკულ, წვიმიან ადგილებში.
ინსპირაცია ანანომ იაპონურ მაიმუნებზე გადაღებული დოკუმენტური ფილმიდან მიიღო, საიდანაც ერთ-ერთი მაიმუნი დახატა. სოციალურ ქსელებში პოსტერს პოზიტიური უკუკავშირი მოყვა, ამიტომ ანანომ მუშაობა განაგრძო და საბოლოო ჯამში, ნამუშევრების სერია შეიქმნა.
