დიდ ძალას დიდი პასუხისმგებლობაც ახლავს თან — ასეა ერთ-ერთი სუპერგმირის, სპაიდერმენის შემთხვევაშიც, რომელიც დღისით ჩვეულებრივი სტუდენტია, ღამით კი სულ სხვა პიროვნებად გარდაიქმნება. ახლა კი ამ ამბავს Kevin Love Fund-თან პარტნიორობით აფართოებენ — ამჟამად Sony-ის მოკლემეტრაჟიანი ფილმი ფსიქიკური ჯანმრთელობის გარშემო არსებული სტიგმის მოშლაზეა ორიენტირებული.
ანიმაცია მაილს მორალესის ფსიქიკას იკვლევს, როდესაც შინაგან მტერს, „ობობას“ ებრძვის. აქ გმირობის ემოციური ხარკია ხაზგასმული… ყველაზე ადამიანურ მომენტებში მაილსი პანიკურ შეტევებსაც კი აწყდება. ამასთან, ეს შინაგანი ბრძოლა კოშმარული ხილვებით ვლინდება; ხოლო შფოთვით წარმოქმნილი ჩრდილოვანი ფიგურები ამაზრზენი ობობების სახეს იღებს.
„ყველა განიცდის რაღაცას, თუნდაც სუპერგმირი“, — განმარტავენ სტუდიაში. მენტალური ჯანმრთელობის კომპლექსურ ქსელში ნავიგაციით, შვიდწუთიანი ანიმაცია იმაზეა ორიენტირებული, რომ მოსწავლეებს საკუთარი შინაგანი გმირის აღმოჩენისკენ უბიძგონ.
