14
Jan
2019

Apple სამკამერიანი სმარტფონის გამოშვებას გეგმავს

14 Jan 2019

Apple 2019 წლის შემოდგომაზე iPhone-ის სამი ახალი მოდელის გამოშვებას გეგმავს, ამის შესახებ The Wall Street Journal წერს. iPhone-ის ყველაზე ძვირადღირებულ ვერსიას სამი უკანა კამერა ექნება, დანარჩენ ორ მოდელს – ორ-ორი კამერა. უცნობია რა ერქმევა iPhone-ის ახალ მოდელებს. კომპანიაში, ჯერჯერობით, ოფიციალურ განცხადებას არ აკეთებენ.

mBank QR
mBank QR

Apple სამი კამერის განთავსებას მოწყობილობის უკანა პანელზე, კვადრატულ ბლოკში გეგმავს, – ამის შესახებ ჟურნალ Digit-ის მიერ მომზადებული ვიდეო გვეუბნება.

აღსანიშნავია, რომ ბოლო ექვსი თვის განმავლობაში Apple-მა ორჯერ შეამცირა ახალი iPhone-ის წარმოება – XR მოდელზე დაბალი მოთხოვნის გამო. ნოემბრის ბოლოს iPhone-ის მწარმოებელი 812 მილიარდი დოლარი ღირდა, 2019 წლის დასაწყისში კი მისი ღირებულება 700 მილიარდამდე შემცირდა.

განხილვა