Apple-ის აღმასრულებელ დირექტორ ტიმ კუკს App Store-დან ლგბტ თემის საწინააღმდეგო აპლიკაციების წაშლისთვის მადლობა გადაუხადეს. ამის შესახებ BBC წერს. კამპანიის მონაწილეები მოთხოვნას პეტიციის სახით ავრცელებდნენ და ამჟამად, Google-სა და Amazon-ს Apple-ის მიბაძვისკენ მოუწოდებენ.
ირკვევა, რომ Apple-ს პროგრამულმა უზრუნველყოფამ ისეთი ამერიკული რელიგიური ჯგუფის რეკლამირება გასწია, რომელიც ამბობს, რომ ჰომოსექსუალობა ცოდვაა და მოუწოდებს ყველა არატრადიციული ორიენტაციის ადამიანს, „ბიოლოგიურ გენდერს“ დაუბრუნდნენ. Apple-ის აპლიკაციების მაღაზიაში (App Store) Living Hope Ministries ხელმისაწვდომი აღარ არის. Apple-ს წესების მიხედვით, App Store-ში განთავსებული აპლიკაციები არ უნდა შეიცავდეს სექსუალურ ორიენტაციასთან დაკავშირებულ ცილისმწამებლურ, ან დისკრიმინაციული ხასიათის ინფორმაციას, ან სხვა ჯგუფების უფლებების შემლახველ კონტენტს. კომპანიაში ამ თემაზე ჯერ ოფიციალური კომენტარი არ გაუკეთებიათ.
