in

Apple ინდურ iPhone-ებს გამოუშვებს 

კომპანია Apple ტელეფონების გამოშვებას ინდოეთში იწყებს. როგორც სააგენტო Reuters წერს, iPhone-ებს იქ ბრენდის პარტნიორი, ტაივანური Foxconn აწარმოებს. კომპანია ამისთვის, ქალაქ სრიპერუმბუდურის ქარხანას გამოიყენებს. საწარმოს მოდერნიზებისთვის 356 მილიონი დოლარის ინვესტირება და 25 000 ახალი სამუშაო ადგილის შექმნა იგეგმება.

Photo credit: gsmarena.com

ჯერჯერობით, უცნობია, კონკრეტულად რომელი iPhone გამოვა ინდოეთში. თუმცა, კვლევითი კომპანია Counterpoint-ის ინფორმაციით, ამ ბაზარზე, Apple-ის გაყიდვების დიდი ნაწილი ძველ მოდელებზე მოდის. ექსპერტები არც იმას გამორიცხავენ, რომ ბრენდმა, იქ iPhone X-ის წარმოება დაიწყოს.

აღსანიშნავია, რომ Apple ინდოეთში მხოლოდ დაბალი კლასის SE და 6S მოდელებს აწარმოებდა და მისი პარტნიორი ასევე ტაივანური კომპანია Wistron იყო. Foxconn კი, ამერიკული ბრენდისთვის, აქამდე, ჩინეთში უშვებდა iPhone-ებს.

ინდოეთში iPhone-ის წარმოება 2019 წელს დაიწყება.

დღის შუქზე გამოსვლა – ნიკა ჟღერიას #აზრები 

რა გვასწავლა 2018-მა წელმა – JWT Metro-ს #აზრები