Apple ყოველწლიური მსოფლიო დეველოპერების კონფერენციისთვის (WWDC) განსაკუთრებით ემზადება. ამასთან დაკავშირებით, ტექნოლოგიურმა გიგანტმა ახალი, ანიმაციური სტიკერების კოლექცია წარმოადგინა, რომელთა გამოყენებასაც iMessage-სა და FaceTime-ში შევძლებთ.
ეს ცხრა ახალი სტიკერი ეფლის მდიდარ, მრავალფეროვან ბრენდინგის ისტორიას უკავშირდება. დიზაინებს შორისაა ცისარტყელას შეფერილობის ლოგო, საკულტო მაკინტოშის ვიზუალი, Apple Vision Pro-ს გამოსახულება და ა. შ.
ამ სტიკერებზე წვდომის მისაღებად, უბრალოდ უნდა გახსნათ iMessage-ის სასაუბრო ჩატი, დააკლიკეთ „+“ ღილაკს ქვედა მარცხენა კუთხეში. შემდეგ შეარჩიეთ სტიკერები და გადადით Apple Developer ჩანართზე სტიკერების უჯრაში — სწორედ აქ ნახავთ ამ უახლეს ვიზუალებს.
