ლიონელ მესის ფლორიდაში გადასვლის ამბავი ფეხბურთის მოყვარულებისთვის დიდ და მოულოდნელ სიახლეს წარმოადგენდა — თითქოს, ყველა მის ბარსელონაში დაბრუნებას ელოდებოდა, თუმცა მაიამის ინტერს შეუერთდა.
მისი ამერიკაში ჩასვლისა და „ვარდისფერი მაისურის მორგების“ აღსანიშნავად, Apple TV-მ თემატური ბილბორდი შექმნა. ბრენდი ასე მიესალმა ყველა დროის ერთ-ერთ საუკეთესო ფეხბურთელს, რასაც GOAT (თხა/Greatest Of All Time) ტერმინით მოიხსენიებენ — შესაბამისად, ბილბორდზე პირდაპირის მინიშნებით ვარდისფერი თხა გამოსახეს.
მარტივი, მაგრამ ეფექტური გზავნილი სწორი მარკეტინგული გათვლაა ფეხბურთის მოყვარულების მოსაზიდად… გარდა მესისადმი გამოხატული პატივისცემისა, ბრენდმა საზოგადოებას ამცნო, რომ ფანები ვარსკვლავის ყურებას Apple TV-ის MLS Season Pass-ის გამოწერის სერვისით შეძლებენ,
ბრენდი TBWA\Media Arts Lab-თან მუშაობდა, რათა სიმბოლური მარკეტინგული კამპანია შეექმნათ.
