იტალიელმა ილუსტრატორმა და არქიტექტორმა ფედერიკო ბაბინამ გადაწყვიტა, შეექმნა კრეატიული პროექტი, რომელიც არქიტექტურულად გამოხატავდა ფსიქიკურ აშლილობებს. მან ამ პროექტს “არქიატრი” უწოდა. იგი 16 განსხვავებულ მდგომარეობას წარმოაჩენს. როგორც მისი შემქმნელი ამბობს, ილუსტრაციები საკმაოდ აბსტრაქტულია, თუმცა, ისინი, ვინც რომელიმე მდგომარეობაში იმყოფებიან, მარტივად აღმოაჩენენ საკუთარ თავებს ამ გამოსახულებებში.
