Arsenal-მა ახლახან დაიწყო London label Aries-თან თანამშრომლობა და დამოუკიდებელ ქუჩის მოდის ბრენდთან პარტნიორობით თავისსავე ისტორიაში პირველი შემთხვევაც ჩაწერა. კოლექცია კლუბის ერთგულ პირებს ეძღვნება, რომელთაც Arsenal Faithful-ის ჯგუფში აერთიანებენ…
თუმცა სანამ „არსენალის გალობას“ მოგასმენინებდეთ, გეტყვით, რომ კამპანიის ფარგლებში ორი ბრენდი ერთმანეთთან დაკავშირებას შრიფტების შერწყმით ცდილობს — Arsenal-ს Aries-ის შრიფტით წერენ, ხოლო კლუბის დაარსების წელში „1886“, ასევე, Aries-ის საკულტო ლოგოს ვხედავთ. სხვა სიმბოლოები კი ტანსაცმელსა და აქსესუარებზე გვხვდება, თავისივე წამყვანი ფიგურებით კლუბის ისტორიაში.
შეზღუდული გამოშვების კოლექცია სულ 26 ერთეულისგან შედგება.
„Aries-თან თანამშრომლობა ორი ბრენდის დღესასწაულია, რომლებსაც ლონდონურ კულტურაში აქვთ ერთად ფესვი გადგმული, რათა შექმნან რაღაც უნიკალური თავიანთი მხარდამჭერებისთვის. ეს კიდევ ერთი პირველი შემთხვევაა, სადაც მოდა ხვდება Arsenal-ს იმ გზით, რომელიც ჩვენი კლუბისთვის განსხვავებულია. სასიამოვნო იყო კოლექციაზე ერთად მუშაობა“, — აცხადებს ადამ გარდინერი, არსენალიდან.
ფილმში ბუკაიო საკას, ალესია რუსოს, მარტინ ოდეგარდსა და დეკლან რაისის ნახავთ ლონდონის შემოქმედებითი საზოგადოების წევრებთან და მუსიკოსებთან ერთად. London City Voices-ის ხმებსაც მოისმენთ, One Nil-ის გალობას, რომელიც 90-იან წლებში გახდა პოპულარული…
