2023 წელს Audi და ქალაქი ნეკარსულმი აღნიშნავენ ტრადიციული ბრენდის, NSU-ს 150 წლის იუბილეს, რაც საკმარისი მიზეზია საიმისოდ, რომ გაიმართოს გამოფენა „Innovation. Audacity. Transformation. 150 Years of NSU“. ის დაისტარტა 14 ივნისს და 2024 წლის 5 მაისამდე გაგრძელდება. გამოფენას თან ახლავს 176-გვერდიანი სოლიდური ჟურნალის გამოშვება, რომელიც მოიცავს NSU-ს ისტორიის ბევრ ასპექტს.
NSU-ს ისტორია მოიცავს მობილურობის განვითარების უნიკალურ ფაქტებს – ველოსიპედიდან მოტოციკლებამდე და მანქანებამდე. სტატიები ეძღვნება ინოვაციებსა და გარდაქმნებს, რომლებმაც ჩამოაყალიბეს არა მხოლოდ კომპანიის, არამედ ქალაქ ნეკარსულმის ისტორიაც ბოლო 150 წლის განმავლობაში.
გამოფენაზე, რეკორდსმენ მანქანებთან და პროტოტიპებთან ერთად, წარმოდგენილი იქნება ოთხცილინდრიანი NSU 500 სარბოლო ველოსიპედი, რომელმაც უდიდესი როლი შეასრულა სატრანსპორტო ინდუსტრიაში.
თავის მხრივ, Audi Tradition-იც წარმოგიდგენთ ექსპონატებს, როგორებიცაა: 19 მანქანა, 22 მოპედი, მოტოსკუტერები, მოტოციკლები და 9 ველოსიპედი. სტეფან ფელბერი, აუდი ფორუმის სპეციალური გამოფენის კურატორი ნეკარსულმში, ამბობს, რომ „დიდი სიხარული იყო Deutsches Zweirad- und NSU-მუზეუმის Neckarsulm-ის კოლეგებთან ერთად მუშაობა ისეთივე მრავალფეროვან თემაზე, როგორიც არის NSU ისტორია.
გამოფენის გამორჩეულად მნიშვნელოვანი ნაწილია Audi Sport GmbH, რომელიც გთავაზობთ მიმოხილვას AUDI-ს შვილობილი კომპანიის ისტორიის შესახებ. ის დაარსდა1983 წელს რამდენიმე თანამშრომლით, რომელიც დღესაც აყალიბებს ბრენდის სპორტულ და ექსკლუზიურ იმიჯს. გამოფენა გთავაზობთ Audi Sport-ის ოთხი ათწლეულის მიმოხილვას – Audi-ს კოლექციაში პირველი აქსესუარებიდან, ავტომობილის პერსონალიზაციის ვარიანტებიდან და პირველი ავტომობილიდან, რომელიც მაშინ შეიქმნა quattro GmbH-ში, დამთავრებული მოტოსპორტის ექსპონატებითა და მაღალეფექტური მოდელებით.
