in

რას ნიშნავს აუდიო ფორმატების შერწყმა მარკეტერებისთვის?

რეკლამის განმთავსებლებისთვის აუდიო ყოველთვის ერთ-ერთი პრიორიტეტი იყო. ბრენდები ნამდვილად აცნობიერებენ ეფექტური აუდიო ბრენდინგის სარგებელს, ახალი ფორმატების გამოჩენამ კი, როგორიცაა პოდკასტი, კომუნიკაციის უძველესი ფორმა კიდევ უფრო მნიშვნელოვანი გახადა. პლატფორმების მიერ დახარჯული თანხის რაოდენობა თავისთავად მეტყველებს რეკლამისთვის აუდიოს მნიშვნელობაზე — ამის ერთ-ერთი მაგალითია Spotify.

სტატისტიკური მონაცემების მიხედვით, მომხმარებლები მედიაში გატარებული დროის მესამედს აუდიოს სხვადასხვა ფორმატზე ხარჯავენ. IAB-მა დაადგინა, რომ ციფრული აუდიო რეკლამის მთლიანი შემოსავლის 85% მოდის მობილურზე, სადაც ყველა აუდიო ფორმატია ხელმისაწვდომი. Forrester-ის ანალიტიკოსის თანახმად კი, რადიო რეკლამების შემოსავალი პოდკასტინგმა „მიითვისა“, რადგან ბოლო დროს სულ უფრო მეტად შემცირდა რადიოს მსმენელთა რიცხვი.

თუმცა ამ ახალი ფორმატების გამოჩენასთან ერთად, აუდიოს ფორმების საზღვრების ბუნდოვანი გახდა. მუსიკა, სარედაქციო შინაარსი და რეკლამა თანაარსებობდა რადიოში. ხოლო ახლა ისინი მობილურ მოწყობილობებზეა გადანაწილებული — პოდკასტებით, ვიდეო პოდკასტებით, სოციალური აუდიოთი, თამაშშიდა აუდიო რეკლამებით და სხვა.  Netflix-იც კი, ვიდეო კონტენტის სინონიმი, ექსპერიმენტებს ატარებს აუდიოზე, რაც მომხმარებლებს საშუალებას აძლევს, ყურების ნაცვლად ექსკლუზიურად მოუსმინონ მის შოუებს.

თითოეულ ფორმატს თავისი ძლიერი მხარეები და უნიკალური მიმზიდველობა აქვს, მაგრამ რას ნიშნავს ფორმატების ეს შეჯახება მარკეტერებისთვის?

IAB-ის შეფასებით, ციფრული აუდიო რეკლამის შემოსავალი 2021 წელს 58%-ით 4,9 მილიარდ დოლარამდე გაიზარდა, რაც ყველაზე მაღალ წლიურ ზრდას წარმოადგენს შესწავლილ სექტორებში. მიუხედავად იმისა, რომ ეს შეიძლება ციფრულ რეკლამაზე დახარჯული 189 მილიარდი დოლარის მცირე ნაწილი იყოს, ეს ციფრული აუდიო რეკლამისადმი ინტერესის სწრაფ ზრდას ასახავს.

ამას დიდწილად პოდკასტინგში განხორციელებული ინვესტიციები განაპირობებს — Spotify, Acast და სხვა სარედაქციო აუდიო პლატფორმების მიერ. Spotify-ის თანახმად, სარეკლამო შემოსავალი საბოლოოდ წლიურად 10 მილიარდ ევროზე მეტს მიაღწევს. ეს კი თავისთავად ციფრულ აუდიოზე სარეკლამო ხარჯების ზრდას გამოიწვევს.

ალბათ, ამიტომაცაა, რომ ტრადიციული რადიო კომპანიებიც კი პოზიციონირებენ ციფრული აუდიოს არადიფერენცირებული ბუნებით. მაგალითად, გასული წლის ბოლოს Global-მა პოდკასტების მონეტიზაციის პლატფორმა Captivate შეიძინა, რომელზეც 14 000-ზე მეტი ონლაინ პოდკასტია ხელმისაწვდომი. რაც მთავარია, Global-ისთვის კომპანიამ ფუნქციების მთელი რიგი შეიმუშავა, რაც პოდკასტების მონეტიზაციის ზოგიერთი ყველაზე დიდი დაბრკოლებების გადალახვას ეხმარება — დაწყებული განაწილების ინსტრუმენტებით, დასრულებული პირველი მხარის რეკლამებით.

Acast UK გაყიდვების ხელმძღვანელი ჯოშ ვუდჰაუსი რადიო და პოდკასტის კონტენტის შერწყმის შესახებ ამბობს: „მიუხედავად იმისა, რომ პოდკასტი გვთავაზობს სიღრმისეულ გაშუქებას ყველა ასაკობრივი ჯგუფისთვის, ჩვენ ნამდვილად ვხედავთ მსმენელების ზრდას ახალგაზრდა აუდიტორიაში. ამის ერთ-ერთი მთავარი მიზეზი მრავალფეროვნებისა და კონტენტის უზარმაზარი მასშტაბია“.

ამის გათვალისწინებით, მაშინ, როცა პოდკასტი სარეკლამო ხარჯების დიდ ნაწილს მართავს და ციფრული აუდიოს სხვა ფორმებს იზიდავს, მარკეტინგის გამოწვევაა, უზრუნველყონ, რომ აუდიო მარკეტინგი არაეფექტური არ გახდეს.

პოლ კრენუელი, AdTonos-ის სტრატეგიული პარტნიორობის ვიცე პრეზიდენტის, თქმით, მნიშვნელოვანია გავითვალისწინოთ აუდიო მოხმარების კონტექსტი, მაშინაც კი, თუ ეს ყველაფერი ერთსა და იმავე მოწყობილობას მიეწოდება. ყველა კონტენტს თავისი ხასიათი აქვს. მაგალითად, ტელევიზორში უამრავ სხვადასხვა ტიპის ვიდეორგოლებს ვხედავთ, ასევეა აუდიოს შემთხვევაშიც.

თქვენი ტანსაცმლით ტელეფონის დამუხტვას შეძლებთ

ღორის კანისგან დამზადებული თვალის რქოვანით 20 პაციენტს მხედველობა აღუდგინეს