7
Nov
2019

„ავერსი” 25 წლის იუბილეს სიურპრიზებით ხვდება 

7 Nov 2019

კომპანია „ავერსი“ 25 წლის იუბილეს აღნიშნავს და 1-ლი ნოემბრიდან სააფთიაქო ქსელის ერთგული მომხმარებლებისთვის განსაკუთრებულ აქციას იწყებს – ყველა, ვინც „ავერსის“ აფთიაქში ერთ ჯერზე 25 ლარის ღირებულების პროდუქციას შეიძენს, აქციაში ავტომატურად ჩაერთვება.

„საიუბილეო ვიქტორინაში, ქვეყნის მასშტაბით, ყოველდღიურად გამოვლინდება ორი გამარჯვებული, ვისაც საჩუქრად 250 ლარის ღირებულების „ავერსის“ სასაჩუქრე ვაუჩერი გადაეცემა. პრიზიორს ამ თანხის ფარგლებში „ავერსის“ სააფთიაქო ქსელში არსებული ნებისმიერი პროდუქციის შეძენა შეეძლება. არჩევანი კი მართლაც მრავალფეროვანია: მედიკამენტების სრული ასორტიმენტი, საბავშვო აქსესუარები, კვებისა და ჰიგიენის საშუალებები, ასევე – მსოფლიოს სხვადასხვა ქვეყნის წამყვანი ბრენდების დეკორატიული კოსმეტიკა, პირის ღრუს, სახის, სხეულისა და თმის მოვლის საშუალებები, რომლებსაც „ავერსი“ ექსკლუზიურად წარმოადგენს საქართველოს ბაზარზე.

„ავერსის“ ქსელი, საქართველოს მასშტაბით, დღეს, 256 აფთიაქს აერთიანებს. მათგან 116 – თბილისში, ხოლო 140 რეგიონში ფუნქციონირებს.

„მომხმარებელს მუდმივად ვთავაზობთ სიახლეებს, აქციებსა და სიურპრიზებს, რომ ქსელში წარმოდგენილი პროდუქცია მათთვის მაქსიმალურად ხელმისაწვდომი იყოს. ყოველ აფთიაქში კომფორტული გარემოა – შესვლისთანავე იგრძნობთ, რომ „ავერსის“ თანამშრომლები გამუდმებით ზრუნავენ თქვენს ჯანმრთელობასა და სულიერ სიმშვიდეზე“.

[R]

განხილვა