საქართველოში პირველად — იდეების გაზიარებისა და დისკუსიების სივრცე, ესტონური Arvamus Festival-ით შთაგონებული აზრთა ფესტივალი სტარტს იღებს!
ფესტივალი, რომელიც 9 სექტემბერს, რიყის პარკში ახალგაზრდული ორგანიზაციის „ტოლერანტობის სამყარო“ ორგანიზებით ტარდება, სხვადასხვა პროფესიის ადამიანებს აერთიანებს, სტუმრებს კი დაუვიწყარ და უნიკალურ გამოცდილებას ჰპირდება
ფესტივალზე დაგხვდებათ ხუთი განსხვავებული სივრცე:
- დემოკრატია, ადამიანის უფლებები, კანონის უზენაესობა
- განათლება
- მეწარმეობა
- უნარ-ჩვევების გამომუშავება
- საქართველოს სამომავლო პერსპექტივები
ფესტივალის მონაწილეებს შესაძლებლობა ექნებათ, სასურველ სადისკუსიო სივრცეს შეუერთდნენ. მრავალფეროვან და საინტერესო თემებზე კი შემდეგი მომხსენებლები ისაუბრებენ: ზვიად გაბისონია, ლუკა ჩხეტიანი, ალექსანდრე ჩომახიძე, ბორის „ჩელე“ ყურუა, მარიამ მიროტაძე, ლევან გიგინეიშვილი, ნინი ზექალაშვილი, გიორგი წეროძე, სანდრო ლილუაშვილი და სხვა.
ამასთანავე, ფესტივალზე გაიმართება ადგილობრივი მხატვრების ნამუშევრების გამოფენა; მონაწილეების საინტერესო მუსიკალურ გამოცდილებასაც მიიღებენ, პროგრამის დეტალური ინფორმაციის სანახავად კი ეწვიეთ ბმულს.
როგორც ზემოთ აღვნიშნეთ, თბილისის აზრთა ფესტივალი რიყის პარკში 9 სექტემბერს გაიმართება, 12:00-დან 22:00 საათამდე. დასწრება თავისუფალია.
აზრთა ფესტივალის მხარდამჭერია ESTDEV — ესტონეთის საერთაშორისო განვითარების ცენტრი.
[R]
