მსოფლიოს ერთ-ერთი უძველესი ბანკი Bank of England მომხმარებელთან კომუნიკაციის გამარტივებას რებრენდინგით ცდილობს. შეიცვალა ლოგო, ტიპოგრაფიკა, ფერები და სიმბოლო. ბანკმა შექმნა ციფრული „ვიზუალური იდენტურობის“ პირველი სისტემა თავისი ვებგვერდისა და პუბლიკაციებისთვის. ცვლილებების მიზანია, კომპანიისთვის დამახასიათებელი ნიშნები საზოგადოებისთვის უფრო მარტივი და ინკლუზიური გახდეს.
Bank of England-ის ლოგოზე, დაარსების დღიდან (1694) დიდი ბრიტანეთის პერსონიფიცირებული სიმბოლო – ბრიტანიაა გამოსახული. მისი „გამარტივებული“ ვიზუალის ნახვა ახლა ნებისმიერ ციფრულ მოწყობილებაზეა შესაძლებელი. ახალი ფერები, ბანკნოტებითაა შთაგონებული, ხოლო შრიფტი დისლექსიის მქონე პირებზეა ადაპტირებული.
