ლუდის ბრენდმა Beavertown 2011 წლის შემდეგ პირველი სატელევიზიო რეკლამა გამოუშვა. დროთა განმავლობაში რობერტ პლანტის ვაჟის, ლოგან პლანტის, მიერ დაარსებული ლუდსახარში თავისქალას ილუსტრაციებისა და ანიმაციების სინონიმად იქცა, რაც უახლოეს კამპანიაშიც ჩანს.
ბრენდმა მთავარ ორიენტირად მეგობრებთან ერთად პაბში ყოფნა და სასმელზე ამბების მოყოლა აიღო. რა თქმა უნდა, თითოეული პერსონაჟის ამბავი Beavertown-თანაა დაკავშირებული, თუმცა ეს ყველაფერი ძალიან მარტივი სიუჟეტით, სხარტად ვითარდება. იმის ხაზგასასმელად კი, რომ ეს ლუდი დიდი რაოდენობის მომხმარებლისთვისაა მიმზიდველი, „ჩონჩხი პერსონაჟები“ სხვადასხვაგვარი აქცენტით გამოირჩევიან.
