BetterFly DDB-ის გენერალური მენეჯერი დავით ბალიაშვილი გახდა. სააგენტოში ბევრ სიახლეს გეგმავს, ამბობს, რომ ამ ცვლილებებს დრო აჩვენებს, შედეგებთან ერთად.
„კრეატიული ინდუსტრიის სიყვარულმა და საერთაშორისო ბრენდებზე მუშაობის 10-წლიანმა გამოცდილებამ გადამაწყვეტინა, ისევ ამ ინდუსტრიაში დავბრუნებულიყავი. მინდა, ჩემი წვლილი შევიტანო ქართული სარეკლამო სფეროს განვითარებაში, ჩემი საერთაშორისო გამოცდილება გავუზიარო როგორც „ბეთერფლაის“ გუნდს, ისე არსებულ თუ ახალ დამკვეთებს“.
დავით ბალიაშვილი, BetterFly DDB-ს გუნდს, „აჭარაბეთიდან“ შეუერთდა, სადა ახალი მომხმარებლების მოზიდვის დეპარტამენტს ხელმძღვანელობდა. მანამდე იყო Red Bull-ის მარკეტინგის მენეჯერი. თუმცა, მის კარიერაში, ეს ერთადერთი საერთაშორისო კომპანია არ ყოფილა. სხვადასხვა დროს, დავით ბალიაშვილი, თანამშრომლობდა ბრენდებთან: Japan Tobacco International [Portfolio/Brand Activation Manager; Brand Manager Premium+ & EP Caucasus]; Mondelēz International [Brand Manager Chocolate Impulse Eastern Europe Middle East And Africa; Junior Brand Manager Caucasus, EEMEA UA & NMs; Assistant Brand Manager Caucasus EEMEA, UA & NMs]; JIBS Student Association [Marketing Communications Manager at JSA].
