Bikes.ge გატყობინებთ, რომ მიმდინარე წლის 24 ოქტომბერს 11:00 საათზე ქალაქ თბილისში, ვაკის პარკის მიმდებარე ტერიტორიაზე მოეწყობა ველო ფესტივალი, რომელიც გაგრძელდება რამდენიმე საათს და მოიცავს სხვადასხვა სახის აქტივობას.
ველოფესტივალი “Bike Fest 2015” არის ქართული ველოსპორტის ისტორიაში უპრეცედენტოდ მასშტაბური ღონისძიება, რომელიც აერთიანებს შეჯიბრებას ექსტრემალური ველოსპორტის სახეობა “Downhill”-სა და “Bunny Hop”-ში, ველო თამაშებს, სერვისის ე.წ. მასტერკლასს, ველოსიპედების გამოფენას, ფოტომოყვარულთა კონკურსსა და სხვა არაერთ საინტერესო და გასართობ აქტივობას.
ფესტივალის მიზანია ხელი შეუწყოს საქართველოში ველოკულტურის განვითარებასა და, ზოგადად, ჯანსაღი ცხოვრების წესის პოპულარიზაციას. მასში მონაწილეობის მიღება შეუძლიათ როგორც პროფესიონალ სპორტსმენებს, ისე უბრალოდ ველომოყვარულებს, რომლებსაც დროის სასიამოვნოდ და ჯანსაღად გატარება სურთ. გათამაშდება ველოსიპედიც და ამას გარდა, ფესტივალი სტუმრებს არაერთ სასიამოვნო სიურპრიზს პირდება.
ფესტივალის ოფიციალური მედია პარტნიორია Marketer.ge
