in

დეველოპერულმა კომპანიამ „ბინადარი“ მედიატური გამართა

დეველოპერულმა კომპანიამ „ბინადარი“ ჟურნალისტებს უმასპინძლა და მიმდინარე თუ დასრულებული პროექტები გააცნო. მედიატურში მონაწილეობა ოცამდე, სატელევიზო არხების, ბეჭდური და „ონლაინ“ მედიის წარმომადგენლებმა მიიღეს. „ბინადარის“ გუნდთან ერთად, ჟურნალისტებმა კომპანიის ხუთი ობიექტი დაათვალიერეს, გაეცნენ მშენებლობის სპეციფიკას და პროცესს.

მედიატურის ფარგლებში ჟურნალისტები დაესწრნენ პროექტის „ბინადარი ლისზე“ „ა“ ბლოკის მშენებლობის დაწყების საზეიმო ცერემონიას, სადაც კომპანიის წარმომადგენლებმა სიმბოლური კაფსულა ჩადეს. ღონისძიების დასასრულს, კომპანიამ გაათამაშა მრავალფუნქციური სასტუმროს – „საფირი ჰოტელ & სპა ბაკურიანის“ საგზურები, რომელიც ბაკურიანში მდებარეობს და „ბინადარის“ საინვესტიციო პროექტია. საგზურები ყველაზე იღბლიანებს – საზოგადოებრივი მაუწყებლის ოპერატორს, iTV-ის, „ინტერპრესნიუსის“, „ექსპრესნიუსის“ და „დრონი.ჯის“ ჟურნალისტებს ერგოთ.

„ბინადარი“ როგორც ბრენდი, სამშენებლო ბაზარზე 2014 წლიდან ოპერირებს.

„კომპანია უწყვეტ რეჟიმში მუშაობს ახალი და უფრო მასშტაბური პროექტების განსახორციელებლად. ამჟამად მიმდინარეობს სამი პროექტის მშენებლობა: „ბინადარი ვაკეში“ (ნინო ჟვანიას N3), „ბინადარი ლისზე“ (ლისის ტბის მიდებარედ, ა.ტაბიძის 41) და „ბინდარი დადიანზე 2“ (ც. დადიანის N59) რომლებიც მედიატურის ფარგლებში ჟურნალისტებმა დაათვალიერეს“.

„ბინადარში“ ამბობენ, რომ კომპანია, 500-მდე ლოიალურ და კმაყოფილ მობინადრეს ითვლის. დღეისათვის სამი დიდი პროექტი აქვს დასრულებული – „ბინადარი ცაგარელზე“ (არჩილ ცაგარელის N3-ში), „ბინადარი ნუცუბიძეზე“ (შალვა ნუცუბიძის N129-ში) და „ბინადარი დადიანზე“ (ცოტნე დადიანის N63-ში).

„კომპანიის დაარსების დღიდან, შევთანხმდით ბრენდის პლატფორმაზე და ვიცოდით, რომ ყველაზე მნიშვნელოვანი განმასხვავებელი ნიშანი, რითაც მომავალი მობინადრეების ყურადღება უნდა მიგვეპყრო, ერთმნიშვნელოვნად იყო ხარისხი. ამასთანავე ჩვენი იმიჯის განმსაზღვრელი ფაქტორებია ადგილმდებარეობა, სანდოობა, ხელმისაწვდომი ფასი და დათქმული ვადები“.

როგორც დეველოპერულ კომპანიაში ამბობენ, უდიდესი პასუხისმგებლობით ეკიდებიან მომხმარებელთა მოთხოვნებს – „ბინადარის“ გუნდი მშენებლობის დაწყებამდე ატარებს კვლევას და ირჩევს ყოველთვის ისეთ მდებარეობას, რომელიც ყველაზე მოთხოვნადი და კომფორტული იქნება პოტენციური მობინადრეებისთვის.

„კომპანია „ბინადარი“ თითოეული მიმდინარე პროექტის მშენებლობის პროცესშივე პარალელურად იწყებს სამომავლო პროექტებისათვის მზადებას. ამ ეტაპზე კომპანია  მუშაობს ორ ახალ პროექტზე: „ბინადარის უბანი ისანში“ და „ბინადარი საირმეზე“.​ „ბინადარის” პროექტები პრემიუმ კლასით გამოირჩევა, რაც ცალსახად უმაღლესი ხარისხის მასალას გულისხმობს. კომპანია ყოველთვის ითვალისწინებს ბაზარზე არსებულ უახლეს ტენდენციებს და ანაცვლებს არსებულ მასალას უკეთესით. პრემიუმ კლასი ესთეტიურ მხარესაც ითვალისწინებს და პროექტები ხარისხთან ერთად დახვეწილი ვიზუალითაც გამოირჩევა“.

როგორც კომპანიაში ამბობენ, „ბინადარი“ პოტენციურ მობინადრეებს, ყველა პროექტში სთავაზობს მშენებლობის მაღალ ხარისხს კონკურენტუნარიან ფასად.

„ბინის შეძენით დაინტერესებულ პირებს შეუძლიათ ისარგებლონ მოქნილი გადახდის პირობით, რაც გულისხმობს შიდა უპროცენტო განვადებას ინდივიდუალური გრაფიკით და სურვილის შემთხვევაში, გრძელვადიან იპოთეკურ სესხს პარტნიორ ბანკებთან“.

[R]

ვახო ვახტანგიშვილი BOG-ის გუნდს შეუერთდა

ქართული სტარტაპი Amazon-ის, Stripe-ისა და Segment-ის $40 000-იანი გრანტით