რაოდენ გასაკვირიც არ უნდა იყოს, სტატისტიკურად, გერმანიაში დაახლოებით 20.5 მილიონი ადამიანი სასმელზე ან მთლიანად დამოკიდებული, ან ამ კრიზისულ მდგომარეობამდე ახლოს მყოფია. ორგანიზაცია Blue Croos-მა, რომელიც 40-მდე ქვეყანაში სწორედ ამ პრობლემის წინააღმდეგ იბრძვის, სპეციალურად გერმანიისთვის ძალიან საინტერესო და ორიგინალური სარეკლამო პრინტ კამპანია შექმნა. სააგენტო Serviceplan-ის მიერ მომზადებულ პოსტერებზე ორმხრივად წასაკითხი პატარა ისტორიებია განთავსებული, მათი მთავარი შინაარსი ისაა, თუ რომელი მხრიდან და როგორ მიიღებს მას ადამიანი. სწორი არჩევანის გაკეთების შემთხვევაში ორგანიზაცია, ნებისმიერ მსურველს შესაბამის პროფესიონალურ დახმარებას პირდება.
